தமிழக முதலமைச்சரின் தனிப்பிரிவு இணையத்தளம் தொடங்கப்பட்டுள்ளதை அடுத்து பொதுமக்கள் நேரடியாக புகார் அளிக்கும் வசதி ஏற்பட்டுள்ளது என்பது குறிப்பிடத்தக்கது

தமிழக முதல்வர் முக ஸ்டாலின் அவர்களிடம் கோவிட் உள்ளிட்ட பல்வேறு பிரச்சினைகள் குறித்து புகார் அளிப்பதற்காக முதலமைச்சரின் தனிப்பிரிவு இணையத்தளம் ஒன்று புதிதாக தொடங்கப்பட்டுள்ளது. இந்த இணையதளம் மூலம் முதலமைச்சர் முக ஸ்டாலின் அவர்களிடம் பொதுமக்கள் நேரடியாக புகார் அளிக்கலாம்

cmcell.tn.gov.in என்ற இந்த இணையதளம் மூலம் பொதுமக்கள் எப்பொழுது வேண்டுமானாலும் புகார் அளிக்கலாம் என்றும் இந்த புகார்கள் குறித்து உடனடியாக நடவடிக்கை எடுக்கப்பட்டு என்னவிதமான நடவடிக்கை எடுக்கப்பட்டது என்பது குறித்து விபரங்களும் இதில் பதிவு செய்யப்படும் என்றும் இதனை அடுத்து புகார் அளித்தவர்கள் தாங்கள் கொடுத்த புகாரின் மீது எடுக்கப்பட்ட நடவடிக்கைகள் குறித்தும் இந்த இணையதளத்தில் தெரிந்து கொள்ளலாம் என்றும் அறிவிக்கப்பட்டுள்ளது

தற்போதைய பெருந்தொற்று காலத்தில் கோவிட் உள்ளிட்ட எந்த பிரச்சனையாக இருந்தாலும் வீட்டில் இருந்து கொண்டே இந்த இணையதளத்தின் மூலம் புகார்களை பதிவு செய்தால் அந்த புகார்களுக்கு தீர்வு அளிக்கும் வசதி செய்யப்பட்டுள்ளதால் பொதுமக்கள் மகிழ்ச்சி அடைந்துள்ளனர்.