முதல்வர் உடல்நிலை குறித்த இனிய செய்தி
- IndiaGlitz, [Saturday,November 19 2016]
தமிழக முதல்வர் ஜெயலலிதா கடந்த செப்டம்பர் மாதம் 22ஆம் தேதி உடல்நலக்குறைவு காரணமாக சென்னை அப்பல்லொ மருத்துவமனையில் அனுமதிக்கப்பட்டு சிகிச்சை பெற்று வருகிறார். அவருக்கு லண்டன் டாக்டர் ரிச்சர்டு, எய்ம்ஸ் மருத்துவமனை மருத்துவர்கள், அப்பல்லோ மருத்துவமனை மருத்துவர்கள் மற்றும் சிங்கப்பூர் மருத்துவர்கள் ஆகியோர் சிகிச்சை செய்து வந்தனர்.
இந்நிலையில் முதல்வரின் உடல்நிலை தற்போது நல்ல முன்னேற்றம் அடைந்துள்ளதாகவும், அவர் செயற்கை சுவாசம் இன்றி இயற்கையாக சுவாசிப்பதாகவும் அப்பல்லோ மருத்துவமனை தலைவர் பிரதாப் ரெட்டி உறுதி செய்துள்ளார்.
மேலும் கடந்த சில நாட்களாகவே அவர் அவசர சிகிச்சை பிரிவில் இருந்து நார்மல் வார்டுக்கு மாற்றப்படுவார் என்று கூறப்பட்ட நிலையில் இன்று மாலை முதல்வர் நார்மல் வார்டுக்கு மாற்றப்பட்டதாக செய்திகள் உறுதிப்படுத்தியுள்ளனர். மேலும் முதல்வர் விரைவில் வீடு திரும்பி தனது வழக்கமான பணிகளை செய்வார் என்று எதிர்பார்க்கப்படுகிறது. இந்த தகவல் அதிமுக தொண்டர்களுக்கு மட்டுமின்றி தமிழக மக்கள் அனைவருக்குமான இனிய செய்தி என்பதில் சந்தேகம் இல்லை.