தமிழக முதல்வரின் காலை உணவு திட்டம்: எந்தெந்த கிழமைகளில் என்னென்ன மெனு?
- IndiaGlitz, [Thursday,September 15 2022]
முன்னாள் முதல்வர்கள் காமராஜர் மதிய உணவுத் திட்டத்தையும் எம்ஜிஆர் சத்துணவு திட்டத்தையும் தொடங்கி வைத்த நிலையில் தற்போதைய முதல்வர் முக ஸ்டாலின் காலை உணவு திட்டத்தை இன்று தொடங்கி வைத்தார்
பேரறிஞர் அண்ணா பிறந்த நாளில் இந்த திட்டம் தொடங்கி வைக்கப்பட்டுள்ளது என்பதும், மதுரையிலுள்ள ஆதிமூலம் நகராட்சி பள்ளியில் இந்த திட்டத்தை தொடங்கி வைத்த முதல்வர் முக ஸ்டாலின் அவர்கள் மாணவர்களுடன் உணவு அருந்தினார் என்பதும் குறிப்பிடத்தக்கது
இதனை அடுத்து உரையாற்றிய முதல்வர் முக ஸ்டாலின், ‘காலை உணவு திட்டம் வரலாற்றில் நிலைத்து நிற்கும் திட்டம் என்றும் இந்த நாள் என் வாழ்நாளில் பொன்னாள் என்று சொல்லக்கூடிய நாளாக அமைந்துள்ளது என்றும் கூறினார். எவ்வளவுதான் நிதிச்சுமை என்றாலும் பசியோடு வரும் பிள்ளைகளுக்கு முதலில் உணவு வழங்க வேண்டும் என்ற எண்ணத்தின் அடிப்படையில் தோன்றியதுதான் இந்த திட்டம் என்றும் அவர் தெரிவித்தார்
இந்த நிலையில் திங்கள் முதல் வெள்ளி வரை அரசு பள்ளிகளில் காலை உணவு திட்டத்தின்படி வழங்கப்படும் உணவு மெனு குறித்த தகவல் வெளியாகியுள்ளது. அந்த தகவல் இதோ:
திங்கள்: அரிசி, ரவை, சேமியா, கோதுமை ரவை ஆகியவற்றில் ஏதேனும் ஒன்றில் உப்புமா மற்றும் காய்கறி சாம்பார்,
செவ்வாய்: ரவை, சேமியா, சோளம், கோதுமை ஆகியவற்றில் ஏதேனும் ஒன்றில் காய்கறி கிச்சடி
புதன்: வெண் பொங்கல் அல்லது ரவை பொங்கல் மற்றும் காய்கறி சாம்பார்
வியாழன்: அரிசி, ரவை, சேமியா, கோதுமை ஆகியவற்றில் ஏதேனும் ஒன்றில் உப்புமா மற்றும் காய்கறி சாம்பார்
வெள்ளி: ரவை, சோளம், கோதுமை ரவை ஆகியவற்றில் ஏதேனும் ஒன்றில் காய்கறி கிச்சடி மற்றும் ரவை கேசரி, சேமியா கேசரி
காலை 8.15 மணி முதல் 8.45 மணிவரை மாணவர்களுக்கு காலை உணவு வழங்கப்படும்.