தமிழக முதல்வரின் தாயார் காலமானார்: துணை முதல்வர் ஆறுதல்
- IndiaGlitz, [Tuesday,October 13 2020]
தமிழக முதல்வர் எடப்பாடி பழனிச்சாமி அவர்களின் தாயார் தவுசாயம்மாள் என்பவர் இன்று காலை காலமானார். அவருக்கு வயது 93
கடந்த சில நாட்களாக உடல் நலக்குறைவால் இருந்த முதல்வரின் தாயார் சிகிச்சையின் பலனின்றி இன்று காலை காலமானார். தாயாரின் மறைவு குறித்து செய்தி அறிந்த முதல்வர் எடப்பாடி பழனிச்சாமி மற்ற அனைத்து நிகழ்ச்சிகளையும் ரத்து செய்து விட்டு தனது தாயாருக்கு அஞ்சலி செலுத்தினார். முதல்வரின் தாயார் மறைவை அடுத்து அரசியல் கட்சி தலைவர்கள் இரங்கல் தெரிவித்து வருகின்றனர்.
தமிழக முதல்வர் எடப்பாடி பழனிசாமி தாயார் மறைவை அடுத்து துணை முதல்வர் ஓ பன்னீர்செல்வம் அவர்கள் நேரில் ஆறுதல் கூற சேலம் செல்கிறார். முன்னதாக அவர் தனது டுவிட்டரில் ’மாண்புமிகு முதல்வர் அவர்களின் அன்புத்தாயார் திருமதி.தவுசாயம்மாள் அவர்கள் இன்று காலமானார் என்ற செய்தியறிந்து மிகுந்த அதிர்ச்சியும் மனவேதனையும் அடைந்தேன். தாயாரது பிரிவால் வாடும் மாண்புமிகு முதல்வர் அவர்களுக்கும், அவரது குடும்பத்தாருக்கும் எனது ஆழ்ந்த இரங்கலை தெரிவித்துக்கொள்கிறேன்’ என்று பதிவு செய்துள்ளார்.
மேலும் அமைச்சர்கள் மற்றும் பல்வேறு கட்சியின் பிரமுகர்கள் தமிழக முதல்வருக்கு ஆறுதல் கூறி வருகின்றனர்.
மாண்புமிகு முதல்வர் அவர்களின் அன்புத்தாயார் திருமதி.தவுசாயம்மாள் அவர்கள் இன்று காலமானார் என்ற செய்தியறிந்து மிகுந்த அதிர்ச்சியும் மனவேதனையும் அடைந்தேன். தாயாரது பிரிவால்வாடும் மாண்புமிகு முதல்வர் அவர்களுக்கும், அவரது குடும்பத்தாருக்கும் எனது ஆழ்ந்த இரங்கலை தெரிவித்துக்கொள்கிறேன். pic.twitter.com/WVAtRt7JCs
— O Panneerselvam (@OfficeOfOPS) October 13, 2020