தமிழக பாஜக தலைவர் அண்ணாமலை வாழ்க்கை வரலாறு திரைப்படம் விரைவில் உருவாக இருப்பதாகவும் இதில் அண்ணாமலை கேரக்டரில் 2026 ஆம் ஆண்டு அரசியலுக்கு வருவேன் என்று சொன்ன நடிகர் தான் நடிக்க இருப்பதாகவும் கூறப்படுவது பரபரப்பு ஏற்படுத்தி உள்ளது.

அரசியல் தலைவர்களின் வாழ்க்கை வரலாறு திரைப்படங்கள் உருவாகி வருவது சர்வ சாதாரண நிகழ்வாக நடந்து கொண்டிருக்கிறது என்பதும் சமீபத்தில் கூட ஆந்திராவில் ஜெகன்மோகன் ரெட்டியின் வாழ்க்கை வரலாறு திரைப்படம் வெளியானது என்பதையும் பார்த்தோம்.

இந்த நிலையில் தற்போது வந்திருக்கும் தகவலின் படி தமிழக பாஜக தலைவர் அண்ணாமலை வாழ்க்கை வரலாறு திரைப்படம் உருவாக இருப்பதாகவும் இந்த படத்தின் ஆரம்பகட்ட பணிகள் விரைவில் தொடங்கும் என்றும் அதிகாரப்பூர்வ அறிவிப்பு இன்னும் சில வாரங்களில் வெளியாகும் என்றும் கூறப்படுகிறது.

தமிழக பாஜக தலைவர் அண்ணாமலை கேரக்டரில் 2026 ஆம் ஆண்டு அரசியலுக்கு வருவேன் என்று சமீபத்தில் பேட்டி அளித்த விஷால் நடிக்க இருப்பதாகவும் விரைவில் இந்த தகவல் உறுதி செய்யப்படும் என்றும் கூறப்படுகிறது

சாதாரண விவசாய குடும்பத்தில் பிறந்து, ஐபிஎஸ் அதிகாரி ஆகி, கர்நாடக மாநிலத்தை கலக்கிய அண்ணாமலை அதன்பிறகு பதவியை ராஜினாமா செய்துவிட்டு செய்துவிட்டு தமிழக அரசியலுக்கு வந்திருக்கும் நிலையில் அவருடைய வாழ்க்கை வரலாறு படம் எடுத்தால் விறுவிறுப்பாக இருக்கும் என்று எதிர்பார்க்கப்படுகிறது.