67 வது தேசிய விருது சற்றுமுன் அறிவிக்கப்பட்டுள்ள நிலையில் இந்த ஆண்டு பல தேசிய விருதுகளை தமிழ் திரைப்படங்கள் அள்ளியுள்ளது என்பது குறிப்பிடத்தக்கது

குறிப்பாக ’அசுரன்’ திரைப்படத்தில் நடித்த தனுஷுக்கு சிறந்த நடிகருக்கான தேசிய விருது கிடைத்தது என்பதையும் அந்த படத்தை இயக்கிய வெற்றிமாறன் சிறந்த இயக்குனருக்கான தேசிய விருது கிடைத்தது என்பதையும் பார்த்தோம்

இந்த நிலையில் தற்போது வந்துள்ள தகவலின்படி ’சூப்பர் டீலக்ஸ்’ படத்தில் சிறப்பாக நடித்ததற்காக விஜய் சேதுபதிக்கு சிறந்த துணை நடிகருக்கான தேசிய விருது கிடைத்துள்ளது. மேலும் ’அசுரன்’ திரைப்படம் சிறந்த தமிழ் படம் என்ற விருதையும் பெற்றுள்ளது என்பது குறிப்பிடத்தக்கது

அதுமட்டுமின்றி அஜித்தின் ‘விஸ்வாசம்’ படத்தில் சிறப்பாக இசையமைத்த டி.இமான் அவர்களுக்கு சிறந்த இசையமைப்பாளர் விருது கிடைத்துள்ளது. மேலும் பார்த்திபனின் ’ஒத்த செருப்பு’ படத்திற்கு இரண்டு தேசிய விருதுகள் கிடைத்துள்ளது என்பது குறிப்பிடத்தக்கது. அந்த வகையில் 2019ஆம் ஆண்டுக்கான தேசிய விருதில் தமிழ் திரைப்படங்களின் ஆதிக்கம் அதிகம் உள்ளது தமிழ் திரையுலகிற்கே பெருமை என்பது குறிப்பிடத்தக்கது.