ரசிகர்களுக்கு ஃபேண்டஸி விருந்து கொடுக்க தயாராகும் 'சிரோ' திரைப்படம்..!
- IndiaGlitz, [Friday,August 11 2023]
மில்லியன் ஸ்டுடியோஸ் எம்.எஸ். மன்சூர் தயாரித்த 'வெப்பன்' திரைப்படத்தை அடுத்து இரண்டாவது தயாரிப்பு 'சிரோ' என்ற படம் தற்போது தொடங்கப்பட்டுள்ளது.
முன்னாள் விளம்பர பட இயக்குநர், வடிவமைப்பாளரான விவேக் ராஜாராம் இந்த ஃபேண்டசி படத்தை எழுதி இயக்குகிறார். இந்தப் படம் மூலம் பிரார்த்தனா சாப்ரியா அறிமுகமாகிறார்.
'சிரோ' ஒரு கற்பனையான கதாபாத்திரம் என்றும், பெண் குழந்தைகளை பாதுகாக்கும் ஒரு தேவதை என்றும் இயக்குனர் விவேக் ராஜாராம் கூறினார். மேலும் பெட் டைம் ஸ்டோரிஸ் என்ற காம்ப்ளக்ஸ் சப்ஜெக்ட்டை கொண்டுள்ள இந்த படம் ஒரு குறிப்பிட்ட ஜானருக்குள் வராது என்றும், ஒவ்வொரு 20-25 நிமிடங்களுக்கும் களம் மாறிக்கொண்டே இருக்கும் என்றும் இயக்குனர் கூறினார்.
'சிரோ' படத்தின் படப்பிடிப்பு இந்த வருடம் செப்டம்பர் மாதத்தின் இரண்டாவது வாரத்தில் தொடங்க உள்ளது. மற்ற நடிகர்கள் மற்றும் தொழில்நுட்ப கலைஞர்களை இறுதி செய்யும் பணி முழு வீச்சில் நடந்து வருகிறது.