தமிழ் திரைப்பட இயக்குனர் சங்க தேர்தல்: வெற்றி பெற்றது யார்?
- IndiaGlitz, [Monday,February 28 2022]
தமிழ் திரைப்பட இயக்குநர் சங்கத் தேர்தல் நேற்று நடைபெற்ற நிலையில் நேற்று இரவு வெற்றி பெற்றது யார் என அதிகாரப்பூர்வமாக அறிவிக்கப்பட்டுள்ளது.
தமிழ் திரைப்பட இயக்குனர் சங்க தேர்தலில் கே பாக்யராஜ் தலைமையிலான இமயம் அணி மற்றும் ஆர்கே செல்வமணி தலைமையிலான புதுவசந்தம் அணி போட்டியிட்டன.
இந்த தேர்தலில் வாக்குப்பதிவு நேற்று காலை 8 மணி முதல் தொடங்கிய நிலையில் மாலை 4 மணிக்கு வாக்குப்பதிவு முடிவடைந்தது. அதன் பின்னர் வாக்குகள் எண்ணப்பட்டன .
இந்த தேர்தலில் 1521 வாக்குகள் பதிவு பெற்றதாக அறிவிக்கப்பட்டு இருந்தது. இந்த நிலையில் நேற்று மாலையே வாக்குகள் எண்ணப்பட்டு முடிவுகள் அறிவிக்கப்பட்டது. இந்த முடிவில் தலைவர் பதவிக்கு போட்டியிட்ட ஆர்கே செல்வமணி 955 வாக்குகள் பெற்று வெற்றி பெற்று மீண்டும் இயக்குனர் சங்க தலைவர் ஆகிறார். தலைவர் பதவிக்கு போட்டியிட்ட கே பாக்யராஜ் 566 வாக்குகள் மட்டுமே பெற்று தோல்வி அடைந்தார். இதனையடுத்து வெற்றி பெற்ற ஆர்கே செல்வமணியின் புது வசந்தம் அணிக்கு திரையுலகினர் வாழ்த்துக்களை தெரிவித்து வருகின்றனர்.