பிரபல பாலிவுட் நடிகை கங்கனா ரனாவத் நடிப்பில், இயக்குனர் விஜய் இயக்கத்தில் உருவாகியிருக்கும் ’தலைவி’ திரைப்படம் ஏப்ரல் 23ஆம் தேதி உலகம் முழுவதும் திரையரங்குகளில் தமிழ், தெலுங்கு, இந்தி மொழிகளில் ரிலீஸாகவுள்ளது என்பது தெரிந்ததே.

முன்னாள் முதல்வர் ஜெயலலிதாவின் வாழ்க்கை வரலாற்றை அடிப்படையாகக் கொண்டு உருவாக்கப்பட்ட இந்த படத்தின் டிரெய்லர் சமீபத்தில் வெளிவந்தது என்பதும் அந்த ட்ரைலர் மிகப்பெரிய வரவேற்பை பெற்றது என்பது குறிப்பிடத்தக்கது. அச்சு அசலாக எம்ஜிஆர் போலவே அரவிந்த்சாமியும் ஜெயலலிதா போலவே கங்கனா ரணாவத் இந்த படத்தில் இருப்பதாக டிரைலரை பார்த்த பலரும் விமர்சனம் செய்தனர் .

இந்த நிலையில் திரை அரங்குகளில் இந்தப் படம் ரிலீசான பிறகு விரைவில் ஓடிடியில் ரிலீசாக உள்ளது இதனை அடுத்து ஓடிடி ரிலீஸ் உரிமை குறித்த தகவல்கள் தற்போது வெளிவந்துள்ளது. தமிழ் மற்றும் தெலுங்கில் ’தலைவி’ திரைப்படம் அமேசான் பிரைம் வீடியோவிலும், ஹிந்தியில் நெட்பிளிக்ஸ் ஓடிடியிலும் வெளியாக உள்ளதாக தகவல்கள் வெளிவந்துள்ளன.

ஆனால் அதே நேரத்தில் திரையரங்குகளில் வெளியாகி எத்தனை நாட்கள் கழித்து ஓடிடியில் வெளியாகும் என்பது குறித்த தகவல் இன்னும் வெளிவரவில்லை என்பது குறிப்பிடத்தக்கது.