போதைப்பொருள் விவகாரத்தில் சிக்கிய பிரபல தமிழ் நடிகைகள்?
- IndiaGlitz, [Friday,September 03 2021]
கடந்த சில ஆண்டுகளாக போதைப்பொருள் விவகாரத்தில் திரையுலக பிரபலங்கள் சிக்கி வருவது தொடர்கதையாகி வருவது தெரிந்ததே. பிரபல கன்னட நடிகை சஞ்சனா கல்ராணி, ராகினி திவேதி ஆகியோர் கடந்த சில மாதங்களுக்கு முன்னர் போதைப்பொருள் வழக்கில் கைது செய்யப்பட்டனர் என்பது குறிப்பிடத்தக்கது. கடந்த இரண்டு நாட்களுக்கு முன்னர் கன்னட நடிகை சோனியா அகர்வாலும் இதே காரணத்திற்காக கைது செய்யப்பட்டார்.
இந்த நிலையில் தற்போது போதைப்பொருள் விவகாரத்தில் பிரபல தெலுங்கு நடிகைகள் சார்மி கவுர், ரகுல் பிரீத் சிங் மற்றும் தெலுங்கு நடிகர்கள் ராணா, நவ்தீப் ரவி தேஜா மற்றும் தெலுங்கு திரைப்பட இயக்குநர் பூரி ஜெகன்நாத் ஆகியோர்களும் சம்பந்தப்பட்ட இருப்பதாக கூறப்படுவதால் பெரும் பரபரப்பு ஏற்பட்டுள்ளது.
இன்று தமிழ் மற்றும் தெலுங்கு நடிகை ரகுல் பிரித் சிங் ஆஜராக வேண்டும் என்று அமலாக்கத்துறை சம்மன் அனுப்பியதை அடுத்து ரகுல் ப்ரித்திசிங் ஆஜரானார் என்பதும் இதுகுறித்த வீடியோ வைரலானது என்பதும் குறிப்பிடத்தக்கது. போதை பொருள் விவகாரத்தில் தெலுங்கு பிரபல நடிகர், நடிகைகள் சம்பந்தப்பட்ட இருப்பதாக வெளிவந்த தகவல் திரையுலக வட்டாரத்தில் பெரும் பரபரப்பை ஏற்படுத்தி உள்ளது.