நடிகர் விஜய் அரசியலுக்கு வந்தால் அவருடைய கட்சியில் தொண்டராக பயணிப்பேன் என அவருக்கு ஜோடியாக நடித்த நடிகை ஒருவர் தெரிவித்துள்ளார்.

நடிகர் விஜய் விரைவில் அரசியலுக்கு வருவார் என்றும் 2026 ஆம் ஆண்டு நடைபெறும் சட்டமன்றத் தேர்தலில் அவர் போட்டியிடுவார் என்றும் எதிர்பார்க்கப்படுகிறது.

இந்த நிலையில் நடிகர் விஜய் அரசியலுக்கு வருவது குறித்து பல்வேறு அரசியல் கட்சி தலைவர்கள் மற்றும் திரையுலக பிரபலங்கள் கருத்து தெரிவித்து வருகின்றனர்.

இந்த நிலையில் நடிகர் விஜய் அரசியல் கட்சி ஆரம்பித்தால் திரை உலகை சேர்ந்த பலர் அவருக்கு ஆதரவளிப்பார்கள் என்று எதிர்பார்க்கப்படுகிறது. குறிப்பாக சீனியர் நடிகர்கள் ரஜினிகாந்த், கமல்ஹாசன் அவருக்கு ஆதரவளிப்பார்கள் என்று கூறப்படுகிறது.

இந்த நிலையில் நடிகர் விஜய் அரசியலுக்கு வந்தால் அவருடைய கட்சியில் நான் ஒரு தொண்டராக பயணிப்பேன் என்றும் அவர் மீது எனக்கு நம்பிக்கை உள்ளது என்றும் நடிகை வனிதா விஜயகுமார் தெரிவித்துள்ளார்.

ஏற்கனவே ’சந்திரலேகா’ என்ற திரைப்படத்தில் விஜய்க்கு ஜோடியாக வனிதா விஜயகுமார் நடித்துள்ளார் என்பது குறிப்பிடத்தக்கது.