தந்தையுடன் இணைந்து பிளாக் பெல்ட் வாங்கிய தமிழ் நடிகை.. குவியும் வாழ்த்துக்கள்..!
- IndiaGlitz, [Friday,July 14 2023]
தமிழ் நடிகை கராத்தேயில் பிளாக் பெல்ட் வாங்கி உள்ளதை அடுத்து அவருக்கு வாழ்த்துக்கள் குவிந்து வருகிறது
இயக்குனர் சுதா கொங்காரா இயக்கத்தில் உருவான ’இறுதிச்சுற்று’ என்ற திரைப்படத்தில் குத்துச்சண்டை வீராங்கனையாக நடித்திருந்தவர் நடிகர் ரித்திகா சிங். இவர் உண்மையாகவே அவர் குத்துச்சண்டை வீரர் என்பது குறிப்பிடத்தக்கது. ’இறுதிச்சுற்று’ படத்தை அடுத்து ‘ஆண்டவன் கட்டளை’, ‘சிவலிங்கா’ உள்ளிட்ட சில படங்களில் நடித்தார்.
சிறுவயதில் இருந்தே தற்காப்பு கலைகளை தனது தந்தையின் வழிகாட்டுதலின் பேரில் பயின்றார். 2009 ஆம் ஆண்டு ஆசிய குத்துச்சண்டை போட்டிகளில் 52 கிலோ எடைப்பிரிவில் குத்துச்சண்டை போட்டியில் அறிமுகமாகி அதன்பின் பல போட்டிகளில் பங்கேற்று உள்ளார் என்பது குறிப்பிடத்தக்கது.
இந்த நிலையில் அவர் தற்போது கராத்தேயில் பிளாக் பெல்ட் மூன்றாவது டான் கிரேடிங் தேர்வை தனது தந்தையுடன் முடித்து பிளாக் பெல்ட் வாங்கி உள்ளார். மேலும் இந்திய கராத்தே அணி வீரர்களுடன் அவர் எடுத்துள்ள புகைப்படத்தையும் பதிவு செய்துள்ள நிலையில் அந்த புகைப்படம் வைரல் ஆகி வருகிறது. பிளாக் பெல்ட் வாங்கிய நடிகை ரித்திகாவிற்கு ரசிகர்களின் வாழ்த்துக்கள் குவிந்து வருகின்றன.