தூத்துக்குடியில் நேற்றும் இன்றும் நடைபெற்ற துப்பாக்கி சூடு சம்பவத்தில் 12 பேர் வரை கொல்லப்பட்ட நிலையில் இந்த சம்பவத்திற்கு காரணமான தமிழக காவல்துறையை கோலிவுட் திரையுலகினர் பலர் கண்டித்துள்ளனர்.

இந்த நிலையில் துப்பாக்கிச்சூடு தொடர்பாக அவதூறு கருத்து தெரிவித்ததாக சின்னத்திரை நடிகை நிலானி மீது சென்னை வடபழனி காவல்நிலையத்தில் வழக்குப்பதிவு செய்யப்பட்டுள்ளது. ரிஷி என்பவரின் புகாரின்கீழ், போலீஸ் சீருடையை தவறாக பயன்படுத்தி ஆள்மாறட்டம் செய்ததாக நிலானி மீது வழக்கு வழக்குப்பதிவு செய்யப்பட்டுள்ளது. இதனையடுத்து அவர் கைது செய்யப்படவும் வாய்ப்பு இருப்பதாக கூறப்படுகிறது.

முன்னதாக நடிகை நிலானி சின்னத்திரை படப்பிடிப்பு ஒன்றுக்காக அணிரிந்திருந்த போலீஸ் சீருடையுடன் தூத்துகுடி சம்பவம் குறித்து வீடியோ ஒன்றை வெளியிட்டார். அதில் போலீசார்கள், போராட்டக்காரர்களை நெஞ்சில் சுட எந்த அதிகாரமும் இல்லை என்றும், இது திட்டமிட்ட கொலை என்றும் கூறியிருந்தார் என்பது குறிப்பிடத்தக்கது.