தடுப்பூசி மட்டும் போடாமல் இருந்திருந்தால்? கொரோனா பாதித்த தமிழ் நடிகர் பேட்டி!
- IndiaGlitz, [Thursday,May 27 2021]
கொரனோ தடுப்பூசி மட்டும் போடாமல் இருந்திருந்தால் தனது உடல்நிலை மிகவும் மோசமாக இருந்திக்கும் என பிரபல தமிழ் நடிகர் பேட்டி ஒன்றில் தெரிவித்துள்ளார்.
நடுநிசி நாய்கள், மங்காத்தா, வேதாளம், உள்பட பல திரைப்படங்களில் நடித்தவர் நடிகர் அஸ்வின். இவர் கடந்த ஏப்ரல் மாதம் தடுப்பூசி முதல் டோஸ் போட்டுக்கொண்டார். இந்த நிலையில் ஏப்ரல் மாதம் கொரோனா இரண்டாவது அலை மிக வேகமாக தாக்கி வந்த நிலையில் தனக்கும் அதன் பாதிப்பு இருந்ததாக அஸ்வின் கூறியுள்ளார். கொரோனாவின் அறிகுறி தெரிந்தவுடன் பரிசோதனை செய்து கொண்டதாகவும் பரிசோதனையில் பாசிட்டிவ் என்று ரிசல்ட் வந்ததாகவும் அவர் குறிப்பிட்டுள்ளார்.
கொரோனா உறுதி செய்யப்பட்டவுடன் வீட்டிலேயே தனிமைப்படுத்தி கொண்டதாகவும், தனது மனைவி தான் தன்னையும் குழந்தையையும் கவனித்துக் கொண்டதாகவும் அவர் தெரிவித்துள்ளார். மேலும் தடுப்பூசி போட்டுக் கொண்டதால் தனக்கு பாதிப்பு குறைவாக இருந்ததாகவும் ஒருவேளை தடுப்பூசி போடாமல் இருந்தால் தனக்கு மிக அதிக பாதிப்பு ஏற்பட்டிருக்கும் என்றும் அவர் தெரிவித்துள்ளார். எனவே அனைவரும் தடுப்பூசி போட்டுக் கொள்ள வேண்டும் என்றும் தடுப்பூசி போட்டு கொண்டவர்களுக்கு பாதிப்பு ஏற்பட்டாலும் அதிலிருந்து மீண்டு விடலாம் என்றும் நடிகர் அஸ்வின் தெரிவித்துள்ளார்.