మెగాస్టార్ చిరంజీవి త‌న 151వ చిత్రం ఉయ్యాల‌వాడ న‌ర‌సింహారెడ్డికి సంబంధించి ప్రీ ప్రొడ‌క్ష‌న్ శ‌ర‌వేగంగా జ‌ర‌గుతున్నాయి. నిన్నే సినిమా లాంఛ‌నంగా ప్రారంభ‌మైంది. సురేంద‌ర్ రెడ్డి ద‌ర్శ‌క‌త్వంలో కొణిదెల ప్రొడ‌క్ష‌న్స్ బ్యాన‌ర్‌పై రాంచ‌ర‌ణ్ ఈ సినిమాను నిర్మిస్తున్నారు.

స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత‌క‌థ ఆధారంగా రూపొంద‌నున్న ఈ సినిమాలో పలువురు స్టార్స్‌ను న‌టింప చేసే ప్ర‌య‌త్నాలు సాగుతున్నాయి. అందులో బాలీవుడ్ నుండి అమితాబ్ బ‌చ్చ‌న్‌, క‌న్న‌డ నుండి ఉపేంద్ర‌, సుదీప్ పేర్లు విన‌ప‌డుతుండ‌గా తాజా స‌మాచారం ప్ర‌కారం ఈ చిత్రంలో ఓ కీల‌క పాత్ర కోసం త‌మిళ న‌టుడు విజ‌య్ సేతుప‌తిని సంప్ర‌దించార‌ని అంటున్నారు. పిజ్జా చిత్రంతో తెలుగు ప్రేక్ష‌కుల‌కు విజ‌య్ సేతుప‌తి సుప‌రిచిత‌మే మ‌రి.