சமீபத்தில் வெளியாகி மிகப்பெரிய வெற்றி பெற்றுள்ள ‘கல்கி 2898 ஏடி’ திரைப்படத்தின் இரண்டு கேரக்டர்களுக்கு தமிழ் நடிகர் ஒருவர் டப்பிங் குரல் கொடுத்துள்ளதாக தகவல் வெளியாகியுள்ளது.

பிரபாஸ், அமிதாப் பச்சன், கமல்ஹாசன், தீபிகா படுகோன் உள்ளிட்ட பலர் நடிப்பில் நாக் அஸ்வின் இயக்கத்தில், சந்தோஷ நாராயணன் இசையில் உருவான திரைப்படம் ‘கல்கி 2898 ஏடி’ . இந்த படம் நான் 700 கோடி ரூபாய் வசூல் செய்துள்ளதாகவும் 1000 கோடி ரூபாய் வசூல் செய்ய அதிக வாய்ப்பு இருப்பதாகவும் கூறப்படுகிறது.

இந்த நிலையில் இந்த படத்தின் தமிழ் பதிப்பில் அமிதாப்பச்சனுக்கு குரல் கொடுத்தவர் நடிகர் அர்ஜுன் தாஸ் என்று தகவல் வெளியாகி உள்ளது. தனக்கு சிறுவயதில் இருந்தே அமிதாப் பச்சன் படம் பிடிக்கும் என்றும் தற்போது அவரது படத்திற்கு டப்பிங் செய்துள்ளது மகிழ்ச்சியாக உள்ளது என்றும் கூறியுள்ளதாகவும் செய்தி வெளியாகியுள்ளது.

அதுமட்டுமின்றி இந்த படத்தில் கிருஷ்ணர் வேடத்தில் நடித்த கிருஷ்ணகுமார் என்பவருக்கும் அர்ஜுன் தாஸ் தான் குரல் கொடுத்துள்ளார். இதனை அடுத்து ஒரே படத்தில் நடித்த இரண்டு கேரக்டர்களுக்கும் அர்ஜுன் தாஸ் குரல் கொடுத்துள்ளார் என்பது தெரிய வருகிறது. இந்த தகவல் தற்போது இப்போது இணையத்தில் வைரலாகி வருகிறது.