பிளஸ் 2 தேர்வில் தமிழில் 100 மதிப்பெண் எடுத்த மாணவியின் வீட்டுக்கு சென்று வாழ்த்திய நடிகர்..!
- IndiaGlitz, [Friday,May 12 2023]
சமீபத்தில் பிளஸ் டூ தேர்வு முடிவுகள் வெளியான நிலையில் அதில் இரண்டு மாணவிகள் தமிழில் நூற்றுக்கு நூறு மதிப்பெண்கள் எடுத்தனர் என்பது செய்தி வெளியானது. ஒருவர் 600க்கும் 600 மதிப்பெண் எடுத்த திண்டுக்கல் நந்தினி என்பதும் இன்னொருவர் அரக்கோணத்தை சேர்ந்த லக்ஷ்யா ஸ்ரீ என்பதும் குறிப்பிடத்தக்கது.
இந்த நிலையில் தமிழில் 100 மதிப்பெண் எடுத்த லக்ஷ்யா ஸ்ரீ வீட்டிற்கு நடிகர் தாடி பாலாஜி நேரில் சென்று அவருக்கு வாழ்த்து தெரிவித்தார். ஹிந்தி ஆதிக்கம் அதிகம் உள்ள நிலையில் தமிழில் நூற்றுக்கு நூறு மதிப்பெண் எடுத்து சாதனை படைத்துள்ளது பாராட்டுக்குரியது என்று அவர் தெரிவித்தார். மேலும் மாணவியை லக்ஷ்யா ஸ்ரீ லட்சியம் நிறைவேற தான் முடிந்த அளவு உதவி செய்வேன் என்றும் அவர் பிகாம் படித்து சிஏ ஆக வேண்டும் என்று லட்சியத்தோடு உள்ளார் என்றும் அவரது லட்சியம் நிறைவேற தமது வாழ்த்துக்கள் என்றும் அவர் கூறினார்.
மேலும் தமிழுக்கு முக்கியத்துவம் கொடுக்க வேண்டும் என்று அனைவரும் கூறிக் கொண்டிருக்கும் நிலையில் தமிழில் 100 மதிப்பெண் பெற்ற மாணவியின் அருகில் நான் இருக்கிறேன் என்பது எனக்கு ஒரு பெருமையாக உள்ளது. மேலும் தமிழக முதலமைச்சர் மற்றும் தமிழக பள்ளிக்கல்வித்துறை அமைச்சர் மாணவ மாணவிகளுக்கு பல்வேறு நலத் திட்டங்களை அறிவித்து இருக்கிறார்கள், அந்த திட்டங்களை பயன்படுத்தி மாணவர்கள் முன்னேற வேண்டும் என்று கேட்டுக்கொள்கிறேன் என்றும் தெரிவித்தார்,.
மேலும் விரைவில் தான் அரசியலுக்கு வந்து தன்னால் முடிந்த உதவிகளை பொதுமக்களுக்கு செய்வேன் என்றும் தனிக்கட்சி ஆரம்பிக்கும் எண்ணம் இல்லை என்றும் என்னை அங்கீகரிக்கும் கட்சியில் இணைந்து நான் மக்கள் பணியாற்றுவேன் என்றும் அவர் கூறினார்.