`புதுப்பேட்டை', `விருமாண்டி' படப் புகழ் நடிகர் பாலா சிங் காலமானார்!
- IndiaGlitz, [Wednesday,November 27 2019]
கோலிவுட் திரையுலகில் பல திரைப்படங்களில் வில்லன், குணசித்திர கேரக்டர்களில் நடித்த பிரபல நடிகர் பாலாசிங் இன்று அதிகாலை காலமானார். அவருக்கு வயது 67
நாசர் நடித்து இயக்கிய ‘அவதாரம்’ என்ற படத்தில் அறிமுகமான நடிகர் பாலாசிங் அதன்பின்னர் இந்தியன், ராசி, மறுமலர்ச்சி, தீனா, விருமாண்டி, புதுப்பேட்டை, வேட்டைக்காரன், என கமல், அஜித், விஜய் உள்பட பல நடிகர்களின் படங்களில் வில்லனாகவும் குணசித்திர வேடங்களிலும் நடித்துள்ளார்.
சமீபத்தில் வெளியான சூர்யாவின் ‘என்.ஜி.கே’ படத்தில் ஒரு அரசியல்வாதியாக பாலாசிங் நடித்திருந்தார் என்பது தெரிந்ததே
நடிகர் பாலாசிங் கடந்த சில நாட்களாக உடல்நலம் இன்றி சென்னையில் உள்ள தனியார் மருத்துவமனை ஒன்றில் சிகிச்சை பெற்று வந்ததாகவும், சிகிச்சையின் பலனின்றி இன்று அதிகாலை ஒரு மணிக்கு அவர் காலமானதாகவும் செய்திகள் வந்துள்ளது. மறைந்த நடிகர் பாலாசிங் அவர்களுக்கு திரையுலகினர் இரங்கல் தெரிவித்து வருகின்றனர்.