கார் ரேஸ் மட்டுமல்ல.. பேட்மிண்டனிலும் கில்லி தான்: சாம்பியன் பட்டம் பெற்ற தமிழ் நடிகை..!
- IndiaGlitz, [Tuesday,January 23 2024]
தமிழ் நடிகை ஒருவர் ஏற்கனவே கார் ரேஸில் கலந்து கொண்ட புகைப்படங்கள் மற்றும் வீடியோக்களை தனது சமூக வலைத்தளத்தில் வெளியிட்டிருந்த நிலையில் தற்போது மதுரையில் நடந்த பேட்மிண்டன் போட்டியில் கலந்து கொண்டு சாம்பியன் பட்டம் பெற்றதையும் பதிவு செய்துள்ளார்.
தமிழ் நடிகைகளில் ஒருவரான நிவேதா பெத்துராஜ் ’ஒரு நாள் கூத்து’ என்ற திரைப்படத்தின் மூலம் அறிமுகமானார். அதன் பின்னர் ஜெயம் ரவி நடித்த ’டிக் டிக் டிக்’ விஜய் சேதுபதி நடித்த ’சங்கத்தமிழன்’ பிரபுதேவா நடித்த ’பொன் மாணிக்கவேல் ’உள்பட சில தமிழ் படங்களிலும் ஒரு சில தெலுங்கு படங்களிலும் நடித்துள்ளார்.
மேலும் இவர் நடிப்பு மட்டுமின்றி விளையாட்டு துறையிலும் சாதனை செய்து வருகிறார். ஒரு சில கார் ரேஸ் போட்டிகளில் பங்கு பெற்ற நிவேதா பெத்துராஜ், தற்போது மதுரையில் நடந்த பேட்மிண்டன் போட்டியில் கலந்து கொண்டார். இந்த போட்டியில் இரட்டையர் பிரிவில் கலந்து கொண்ட நிவேதா பெத்துராஜ் கோப்பையை வென்று பதக்கத்துடன் கூடிய புகைப்படங்களை தனது சமூக வலை தளத்தில் பதிவு செய்துள்ளார். இந்த புகைப்படங்களுக்கு லைக், கமெண்ட் குவிந்து வருவதோடு, ரசிகர்கள் அவருக்கு வாழ்த்துக்களை தெரிவித்து வருகின்றனர்.