తమన్నా గుర్రపు స్వారీ...
- IndiaGlitz, [Friday,June 10 2016]
మిల్కీ బ్యూటీ తమన్నా బాహుబలి2 కోసం బాగా కష్టపడుతోంది. చిత్రీకరణ యాక్షన్ పార్ట్ ముఖ్యంగా యుద్ధ సన్నివేశాలకు సంబంధించినది కావడంతో దర్శకుడు రాజమౌళి ఎక్కడా కాంప్రమైజ్ కావడం లేదట. జూలైలో జరగనున్న చిత్రీకరణలో తమన్నా ఈ చిత్రీకరణలో పాల్గొననుంది. అందులో భాగంగా ప్రస్తుతం చిత్రంలో నటిస్తున్న స్టంట్ పర్సన్ జిత్తువర్మ వద్ద గుర్రపుస్వారీ నేర్చుకుంటుంది. కత్తిసామును హాలీవుడ్ స్టంట్ శిక్షకుడు లీ వద్ద నేర్చుకోనుందట. ప్రస్తుతం అయితే తాను గుర్రపుస్వారీలో బిజీగా ఉన్నానని తమన్నా చెప్పుకొచ్చింది. అయితే ఈసారి డమ్మీ కత్తులతో కాకుండా బరువైన కత్తులతో శిక్షణ పొందుతున్నట్లు తెలియజేశారు. గుర్రంపై వెళుతూ యుద్ధం చేసే సన్నివేశాల కోసం ఈ శిక్షణ తీసుకుంటుందట. ఈ చిత్రాన్ని 2017 ఏప్రిల్ 14న విడుదల చేయడానికి చిత్ర నిర్మాతలు ప్లాన్ చేస్తున్నారు.