தெலுங்கு நடிகருக்காக 2வது குத்துப்பாட்டில் தமன்னா?
- IndiaGlitz, [Sunday,November 01 2015]
சமீபத்தில் வெளியான மாபெரும் வெற்றிப்படமான 'பாகுபலி' படத்தில் முக்கிய கேரக்டரில் நடித்த தமன்னா, தெலுங்கு படம் ஒன்றில் குத்துப்பாட்டுக்கு நடனம் ஆட ஒப்பந்தம் செய்யப்பட்டிருப்பதாக கூறப்படுகிறது.
பிரபல தெலுங்கு தயாரிப்பாளர் பெல்லம்கொண்டா சுரேஷ் அவர்களின் மகன் சாய் ஸ்ரீனிவாஸ் நடிக்கும் படத்தில் குத்துப்பாட்டு ஒன்றுக்கு நடனம் ஆட தயாரிப்பாளர்கள் தமன்னாவை அணுகியதாகவும், அதற்கு தமன்னா ஒப்புக்கொண்டதால் மிகப்பெரிய ஒரு தொகையுடன் கூடிய செக் ஒன்றை கொடுத்ததாகவும் கூறப்படுகிறது.
சாய்ஸ்ரீனிவாஸ் கடந்த வருடம் அறிமுகமான அல்லுடு சீனு' என்ற படத்திலும் தமன்னா ஒரு குத்துப்பாட்டிற்கு நடனம் ஆடினார் என்பது குறிப்பிடத்தக்கது. இந்த படம் சூப்பர் ஹிட் ஆனதால் செண்டிமெண்ட் ஆக மீண்டும் தமன்னாவை இரண்டாவது முறையாக குத்துப்பாட்டுக்கு ஆடவைக்க படக்குழுவினர் முடிவு செய்திருப்பதாக கூறப்படுகிறது.