சமந்தா, நயன்தாரா பாணியை பின்பற்றும் தமன்னா
- IndiaGlitz, [Wednesday,January 20 2016]
நடிகை தமன்னா இதுவரை தான் நடித்த படங்களுக்கு டப்பிங் ஆர்ட்டிஸ் மூலம் டப்பிங் பேசப்பட்டு வந்த நிலையில் தற்போது தர்மதுரை' படத்திற்காக அவரே தன்னுடைய சொந்தக்குரலில் டப்பிங் செய்யவிருப்பதாக செய்திகள் வெளிவந்துள்ளது.
கோலிவுட் திரையுலகில் நடிகைகளே டப்பிங் செய்யும் வழக்கம் மீண்டும் உருவாகி வருகிறது. '10 எண்றதுக்குள்ள படத்தில் சமந்தா, 'மாயா' படத்தில் நயன்தாரா ஆகியோர் சொந்தக்குரலில் டப்பிங் பேசிய நிலையில் இவர்களை அடுத்து தற்போது தமன்னாவும் இந்த பட்டியலில் இணைந்துள்ளார்.
சீனுராமசாமி இயக்கத்தில் விஜய்சேதுபதிக்கு ஜோடியாக நடித்து வரும் தமன்னா, இந்த படத்தில் தன்னுடைய கேரக்டரின் முக்கியத்துவம் கருதியும், இயக்குனரின் வேண்டுகோளை ஏற்றும் சொந்தக்குரலில் டப்பிங் பேச சம்மதித்துள்ளதாக கூறப்படுகிறது. தமன்னாவின் அழகையும் நடிப்பையும் மட்டுமே ரசித்து வந்த அவரது ரசிகர்கள் இனி அவரது சொந்தக்குரலை கேட்கலாம் என்பது குறிப்பிடத்தக்கது.