தமன்னாவின் அடுத்த படம் குறித்த தகவல்: டைட்டில் அறிவிப்பு!
- IndiaGlitz, [Friday,February 18 2022]
தமிழ் தெலுங்கு பாலிவுட் திரையுலகின் முன்னணி நடிகைகளில் ஒருவரான தமன்னா நடித்த ’ஆக்சன்’ திரைப்படம் கடந்த 2019ஆம் ஆண்டு வெளியானது என்பதும் அதன் பிறகு அவர் தெலுங்கு மற்றும் இந்தியில் ஒருசில திரைப்படங்களில் நடித்தார் என்பதும் குறிப்பிடத்தக்கது.
இந்த நிலையில் தமன்னா நடிக்க உள்ள அடுத்து தமிழ் படம் குறித்த தகவல் தற்போது வெளியாகியுள்ளது. தமிழ், தெலுங்கு மற்றும் இந்தி மொழிகளில் தமன்னா நடிக்கவுள்ள திரைப்படத்தை மதூர் பண்ட்ராக்கர் இயக்கவுள்ளார்.
இந்த படத்தின் படப்பிடிப்பு தற்போது இன்று தொடங்கியுள்ளதை அடுத்து இதுகுறித்த புகைப்படங்கள் இணையத்தில் வைரலாகிறது. ‘பாப்லி பவுன்சர்’ என இந்தியில் டைட்டில் வைக்கப்பட்டுள்ள இந்த படத்தின் தமிழ், தெலுங்கு டைட்டில் விரைவில் அறிவிக்கப்படும்.
ஃபாக்ஸ் ஸ்டார் மற்றும் ஜங்கிள் பிக்சர்ஸ் இணைந்து தயாரிக்கும் இந்த படத்தில் தமன்னாவுடன் வரும் சவுருப் சுக்லா, அபிஷேக் பஜாஜ், சாஹில் ஐத் போன்றவர்களும் நடிக்கவுள்ளனர்.