சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படத்தின் படப்பிடிப்பு முடிவடைந்து வரும் ஆகஸ்ட் 10ஆம் தேதி வெளியாக இருக்கும் நிலையில் இந்த படத்தில் இடம்பெற்ற ‘காவாலா’ என்ற பாடல் சமீபத்தில் வெளியானது என்பதும் இந்த பாடலில் தமன்னாவின் கிளாமர் டான்ஸ் மிகப்பெரிய அளவில் வரவேற்பை பெற்றது என்பதையும் பார்த்தோம்.

ஏற்கனவே தமன்னாவே சமீபத்தில் ‘காவாலா’ டான்ஸ் வீடியோவை தனது இன்ஸ்டாகிராம் பக்கத்தில் வெளியிட்டிருந்த நிலையில் தற்போது மும்பை விமான நிலையத்தில் பத்திரிகையாளர் ஒருவர் விருப்பத்திற்கு ஏற்ப சில இந்த பாடலின் சில ஸ்டெப்ஸ்க்கு நடனம் ஆடியுள்ளார்.

மேலும் அந்த பத்திரிகையாளரை பார்த்து அவர் தன்னைவிட நன்றாக நடனமாடுகிறார் என்றும் கூறினார். அப்போது அந்த பத்திரிகையாளர் ரஜினி போல் கண்ணாடியை ஸ்டைலாக அணிந்ததை பார்த்து தமன்னா அசந்து போய் அவருக்கு பாராட்டு தெரிவித்தார். இது குறித்த வீடியோ இணையதளங்களில் வைரல் ஆகி வருகிறது என்பது குறிப்பிடத்தக்கது.

மொத்தத்தில் ‘காவாலா’ பாடல் மிகப்பெரிய அளவில் வைரலாகி வருகிறது என்பதும் சிறுவர் முதல் பெரியவர்கள் வரை இந்த பாடலுக்கு நடனமாடும் வீடியோக்களும் இணையதளங்களில் வைரல் ஆகி வருகிறது என்பது குறிப்பிடத்தக்கது.

ரஜினிகாந்த், சிவராஜ்குமார், மோகன் லால், தமன்னா உள்பட பலர் நடிப்பில் உருவாகியுள்ள ’ஜெயிலர்’ திரைப்படத்தை நெல்சன் இயக்கியுள்ளார் என்பதும் அனிருத் இசையில், சன் பிக்சர்ஸ் நிறுவனத்தின் பிரமாண்டமான தயாரிப்பில் உருவாகியுள்ள இந்த படம் ஆகஸ்ட் 10ஆம் தேதி பிரமாண்டமாக உலகம் முழுவதும் திரையரங்குகளில் வெளியாக உள்ளது என்பதும் குறிப்பிடத்தக்கது.