'நானும் ரெளடிதான், 'சேதுபதி' என இரண்டு தொடர் சூப்பர் ஹிட் படங்களில் நடித்த விஜய்சேதுபதி தேசிய விருது இயக்குனர் சீனுராமசாமியின் இயக்கத்தில் தற்போது நடித்து வரும் திரைப்படம் 'தர்மதுரை. இந்த படத்தில் முதன்முதலாக விஜய்சேதுபதிக்கு ஜோடி சேர்ந்துள்ள தமன்னா, மதுரை பெண்ணாக நடித்து வருகிறார். இந்நிலையில் இந்த படத்தில் தமன்னா சம்பந்தப்பட்ட காட்சிகளின் இறுதிக்கட்ட படப்பிடிப்பு நடைபெற்று வருவதாகவும், விரைவில் இந்த படத்தில் தமன்னாவின் பகுதி படப்பிடிப்பு முடிவடையும் என கூறப்படுகிறது.

இதுகுறித்து தமன்னா தனது சமூக வலைத்தளத்தில் கூறியபோது, 'தர்மதுரை' படத்தின் இறுதிக்கட்ட படப்பிடிப்புக்கு திரும்பியுள்ளேன் என்று கூறியுள்ளார். மேலும் இந்த படத்தில் சுபாஷினி என்ற கேரக்டரில் நடித்து வருவதாகவும், முதன்முதலாக இந்த படத்திற்காக சொந்தக்குரலில் டப்பிங் பேசியுள்ளதாகவும் தமன்னா தெரிவித்துள்ளார்.