తమన్నా పెంచుతుంది....
- IndiaGlitz, [Saturday,May 21 2016]
మిల్కీ బ్యూటీ తమన్నా తొలిసారి హర్రర్ థ్రిల్లర్ మూవీ అభినేత్రి'లో నటించనున్న సంగతి తెలిసిందే. ఈ చిత్రంలో తమన్నా టైటిల్ రోల్ పోషిస్తుండగా ప్రభుదేవా ప్రధానపాత్రలో కనపడనున్నాడు. ఎ.ఎల్.విజయ్ దర్శకత్వంలో తెరకెక్కుతోన్న ఈ చిత్రాన్ని తెలుగు, తమిళం, హిందీ భాషల్లో చిత్రీకరిస్తున్నారు. తెలుగులో ఈ చిత్రాన్ని కోనవెంకట్ విడుదల చేస్తున్నారు. ఈ చిత్రాన్నిఎం.వి.వి. సినిమా ప్రొడక్షన్స్, కోన ఫిలింస్ కార్పొరేషన్, బ్లూ సర్కిల్ కొర్పొరేషన్, బ్లూ సినిమా బ్యానర్స్ రూపొందిస్తున్నాయి. ఎం.వి.వి.సత్యనారాయణ నిర్మాత.
ఇద్దరు సంగీత దర్శకులు ఎస్.ఎస్.థమన్, జి.వి.ప్రకాష్ లు ఈ చిత్రానికి సంగీతం అందిస్తుండటం విశేషం. ప్రస్తుతం ఈ సినిమాలో ప్రభుదేవా ఇంట్రడక్షన్ సాంగ్ ను రామోజీ ఫిలింసిటీ లో చిత్రీకరించారు. లెటెస్ట్ న్యూస్ ప్రకారం ఈ చిత్రంలో తన పాత్రకోసం తమన్నా వెయిట్ పెరుగుతుందట. అందుకు తగిన విధంగా తన డైట్ ను మార్చుకుందని దగ్గరి వర్గాల సమాచారం.