విక్రమ్ తో మిల్కీ బ్యూటీ
- IndiaGlitz, [Tuesday,January 31 2017]
విల‌క్ష‌ణ న‌టుడుగా పేరున్న వారిలో చియాన్ విక్రమ్ ఒక‌డు. అందుకే తెలుగు, త‌మిళంలో విక్రమ్ సినిమాల‌కు మంచి క్రేజ్ ఉంటుంది. విక్రమ్ గ‌త చిత్రం ఇంకొక్క‌డు సినిమా వంద కోట్ల‌ను క‌లెక్ట్ చేసి మంచి విజ‌యాన్ని సొంతం చేసుకుంది. ప్ర‌స్తుతం చియాన్ విక్రమ్ విజయ్ చంద్రశేఖర్ దర్శకత్వంలో చిత్రంలో న‌టిస్తున్నాడు. ఈ సినిమాలో హీరోయిన్‌గా సాయిప‌ల్ల‌వి న‌టిస్తుంద‌ని, వార్త‌లు వినిపించాయి. అంతా ఒకే అనుకుంటున్న స‌మ‌యంలో కార‌ణాలు తెలియ‌లేదు కానీ సాయిప‌ల్ల‌వి ప్రాజెక్ట్ నుండి త‌ప్పుకుంది.
ఇప్పుడు సాయిప‌ల్ల‌వి స్థానంలో విక్ర‌మ్‌తో మిల్కీబ్యూటీ త‌మ‌న్నా న‌టించ‌నుంది. విక్రమ్, త‌మ‌న్నా కాంబినేష‌న్‌లో రానున్న తొలి చిత్రం కూడా ఇదే. ప్ర‌స్తుతం తెలుగు, త‌మిళంలో క్వీన్ రీమేక్‌లో టైటిల్ పాత్ర పోషించ‌డానికి రెడీ అవుతున్న త‌మ‌న్నాకు విక్ర‌మ్‌తో క‌లిసి తెర‌ను పంచుకోనుండ‌టం ఇంకా పెద్ద అడ్వాంటేజ్ అయిన‌ట్లే. ఈ సినిమాతో పాటు విక్రమ్, గౌత‌మ్ మీన‌న్ దర్శకత్వంలో ధృవ‌న‌క్ష‌త్రం సినిమా కూడా చేస్తున్నాడు.