సూర్య‌తో మ‌రోసారి త‌మ‌న్నా?
- IndiaGlitz, [Tuesday,June 19 2018]
త‌మిళ అనువాద చిత్రం వీడొక్క‌డేలో జంట‌గా న‌టించి హిట్ పెయిర్‌గా పేరు తెచ్చుకున్నారు సూర్య, త‌మ‌న్నా. ఆ సినిమా త‌రువాత మ‌ళ్ళీ ఈ కాంబినేష‌న్‌లో మరో చిత్రం రాలేదు. తాజా స‌మాచారం ప్ర‌కారం.. ఈ ఇద్ద‌రూ మ‌రోసారి క‌లిసి న‌టించే అవ‌కాశ‌ముంద‌ని వార్త‌లు వినిపిస్తున్నాయి.
'కాక్క కాక్క' (ఘ‌ర్ష‌ణ ఒరిజ‌న‌ల్ వెర్ష‌న్‌), 'సూర్య స‌న్నాఫ్ కృష్ణ‌న్' చిత్రాల త‌రువాత ప్ర‌ముఖ ద‌ర్శ‌కుడు గౌత‌మ్ మీన‌న్‌తో సూర్య ఓ సినిమా చేయ‌బోతున్న సంగ‌తి తెలిసిందే. ఈ సినిమాలోనే సూర్య‌కి జోడీగా త‌మ‌న్నా న‌టించే అవ‌కాశ‌ముంద‌ని తెలుస్తోంది. త్వ‌ర‌లోనే ఈ ప్రాజెక్ట్‌పై క్లారిటీ వ‌స్తుంది.
ప్ర‌స్తుతం సూర్య.. సెల్వ రాఘ‌వ‌న్ ద‌ర్శ‌క‌త్వంలో 'ఎన్‌.జి.కె' చిత్రం చేస్తున్నారు. దీపావ‌ళి కానుక‌గా ఈ సినిమా తెర‌పైకి రానుంది. దీని త‌రువాత కె.వి.ఆనంద్‌, సుధ కొంగ‌ర, హ‌రి కాంబినేష‌న్‌లోనూ సినిమాలు చేయ‌బోతున్నారు సూర్య.