தென்னிந்தியாவின் பிரபல நடிகையாக இருந்து வரும் தமன்னா அவ்வப்போது பாலிவுட்டிலும் படங்கள் நடித்து வருவது தெரிந்ததே. சமீபத்தில் கூட அவர் பிரபுதேவாவுடன் நடித்த பாலிவுட் திரைப்படமான 'காமோஷி' திரைப்படம் வெளிவந்தது.

இந்த நிலையில் தமன்னா தற்போது இன்னொரு பாலிவுட் படத்தில் நடிக்க ஒப்பந்தமாகியுள்ளார். இந்த படத்தில் நவாசுதீன் சித்திக் ஹீரோவாக நடிக்க அவருக்கு ஜோடியாக தமன்னா நடிக்கவுள்ளார். நவாசுதீன் சித்திக், சூப்பர் ஸ்டார் ரஜினிகாந்த் நடித்த 'பேட்ட' படத்தில் 'சிங்காரம்' என்ற வில்லன் கேரக்டரில் நடித்திருந்தார் என்பது குறிப்பிடத்தக்கது.

நவாசுதீன் சித்திக் சகோதரர் ஷாமாஸ் நவாப் சித்திக் இயக்கவிருக்கும் இந்த படத்தில் 'இமைக்கா நொடிகள்' படத்தில் வில்லனாக நடித்த அனுராக் காஷ்யப் முக்கிய வேடத்தில் நடிக்கவுள்ளார். இந்த படத்தின் படப்பிடிப்பு வரும் ஜூலை முதல் 45 நாட்கள் தொடர்ச்சியாக நடைபெறவுள்ளது.

இந்த படத்தில் நடிப்பது குறித்து தமன்னா கூறியபோது, "பாலிவுட் படம் ஒன்றில் மல்டிலேயர் கேரக்டரில் நடிப்பது இதுவே முதல்முறை. இந்த படத்தின் கதையை கேட்டதும் நடிக்க ஒப்புக்கொண்டேன். இந்த படத்தில் என்னுடைய கேரக்டர் மிகவும் வித்தியாசமானது, இதுவரை நான் ஏற்காத கேரக்டர்" என்று கூறியுள்ளார்.

இந்த நிலையில் சுந்தர் சி இயக்கத்தில் விஷாலுக்கு ஜோடியாக தமன்னா ஒரு படத்தில் நடித்து வருகிறார் என்பதும் இந்த படத்தின் படப்பிடிப்பு இறுதிக்கட்டத்தை நோக்கி சென்று கொண்டிருக்கின்றது என்பதும் குறிப்பிடத்தக்கது.