தென்னிந்திய திரையுலகம் மட்டுமின்றி பாலிவுட் திரையுலகிலும் நடித்து வரும் தமன்னா, இதுவரை திருமணம் குறித்து எந்தவித தகவலும் தெரிவிக்காத நிலையில் பாகிஸ்தான் கிரிக்கெட் வீரர் அப்துல் ரசாக் என்பவரை தமன்னா திருமணம் செய்யவிருப்பதாக பரவி வரும் வதந்தியால் பெரும் பரபரப்பு ஏற்பட்டுள்ளது.

கடந்த சில ஆண்டுகளுக்கு முன் தமன்னா மற்றும் அப்துல் ரசாக் ஆகிய இருவரும் நகைக்கடை ஒன்றின் திறப்பு விழாவில் கலந்து கொண்டனர். அப்போது இருவரும் நகை வாங்குவது குறித்த புகைப்படம் வெளியானது. இந்த புகைப்படத்தை வைத்து இருவரும் திருமணம் செய்யவிருப்பதாகவும் திருமணத்திற்கு தேவையான நகைகளை இருவரும் சேர்ந்து வாங்குவதாகவும் வதந்தியை யாரோ கிளப்பிவிட்டனர். இந்த வதந்தி தற்போது காட்டுத்தீ போல் பரவி வருகிறது

இவ்வளவிற்கு அப்துல்ரசாக் ஏற்கனவே ஆயிஷா என்ற பெண்ணை திருமணம் செய்தவர் என்பதும் இவருக்கு இரண்டு குழந்தைகள் உள்ளனர் என்பதும் குறிப்பிடத்தக்கது. இந்த வதந்தியால் அப்துல்ரசாக் குடும்பத்திலும் தர்மசங்கடம் ஏற்பட்டுள்ளதாக தெரிகிறது. ஏற்கனவே தமன்னா ஒரு அமெரிக்க டாக்டரை திருமணம் செய்யவிருப்பதாக வதந்திகள் கிளம்பியது என்றும் இந்த வதந்திக்கு தமன்னா மறுப்பு தெரிவித்திருந்தார் என்பது குறிப்பிடத்தக்கது.