మెగాప‌వ‌ర్ స్టార్ రామ్‌చ‌ర‌ణ్‌, బోయ‌పాటి శ్రీను కాంబినేష‌న్‌లోసినిమా చిత్రీక‌ర‌ణ ద‌శ‌లో ఉంది. డివివి.ఎంట‌ర్‌టైన్మెంట్స్ బ్యాన‌ర్‌పై డివివి దాన‌య్య సినిమాను నిర్మిస్తున్నారు. సినిమాపై భారీ అంచ‌నాలు నెలకొన్నాయి. మాస్ ఇమేజ్ ఉన్న హీరోను.. మాస్ డైరెక్ట‌ర్ ఎలా ఎలివేట్ చేస్తాడోన‌న‌ని అంద‌రూ అనుకుంటున్నారు.

ఫ్యామిలీ అండ్ ఎమోష‌న‌ల్ ఎంట‌ర్‌టైన‌ర్‌గా రూపొందుతోన్న ఈ సినిమాలో ప్ర‌శాంత్‌, ఆర్య‌న్ రాజేశ్‌, స్నేహ‌, అన‌న్య వంటి భారీ తారాగ‌ణం న‌టిస్తున్నారు. కైరా అద్వాని హీరోయిన్‌గా న‌టిస్తుంది. ఈ సినిమాను ద‌స‌రాకు విడుద‌ల చేయాల‌నుకుంటున్నారు. క‌మ‌ర్షియ‌ల్ హంగుల‌ను మిక్స్ చేసే ప‌నిలో భాగంగా బోయ‌పాటి సినిమాలో స్పెష‌ల్ సాంగ్‌ను ప్లాన్ చేశాడ‌ట‌. అందుకోస‌మ‌ని.. ఓ టాప్ హీరోయిన్‌తో సంప్ర‌దింపులు జ‌రుపుతున్నార‌ట‌. ఆమె త‌మ‌న్నా కావ‌చ్చున‌ని వార్త‌లు విన‌ప‌డుతున్నాయి. మ‌రి దీనిపై త‌మ‌న్నా ఎలా స్పందిస్తుందో చూద్దాం.