న‌ట‌న కంటే న‌ర్త‌న విష‌యంలోనే ఎక్కువ మార్కులు కొట్టేసిన క‌థానాయిక త‌మ‌న్నా. అందుకే ఆమెకి అప్పుడ‌ప్పుడు ప్ర‌త్యేక గీతం చేయ‌మ‌ని ఆఫ‌ర్లు వ‌స్తుంటాయి. మొద‌ట్లో నో చెప్పినా.. అల్లుడు శీను నుంచి ఓకే చెప్ప‌డం మొద‌లుపెట్టిందీ మిల్కీ బ్యూటీ. అల్లుడు శీను త‌రువాత స్పీడున్నోడు, జాగ్వార్ చిత్రాల్లోనూ స్పెష‌ల్ సాంగ్స్ చేసిన త‌మ‌న్నా.. మొద‌టిసారిగా స్టార్ హీరో సినిమాలో ప్ర‌త్యేక గీతం చేయ‌బోతోంది. ఆ స్టార్ మ‌రెవ‌రో కాదు.. ఎన్టీఆర్‌.

తార‌క్ త్రిపాత్రాభిన‌యం చేసిన జైల‌వ‌కుశ‌లో ఓ మాస్ ఐట‌మ్ ఉంది. అందులో నర్తించ‌డానికి త‌మ‌న్నా ఓకే చెప్పింద‌ని ఆ మ‌ధ్య వార్త‌లు వ‌చ్చాయి. క‌ట్ చేస్తే.. ఇవాళ స్వింగ్ జ‌రా అంటూ సాగే ఆ పాట తాలుకు త‌మ‌న్నా ఫ‌స్ట్ లుక్ పోస్ట‌ర్ వ‌దిలారు. ఈ పోస్ట‌ర్ లో త‌మ‌న్నా హాట్ లుక్స్ అదుర్స్ అంటున్నారు నెటిజ‌న్లు.

ఇవాళ సా.5.40గం!!లకు ఈ పాట వీడియో క్లిప్‌ని కూడా విడుద‌ల చేయ‌నున్నారు. పోస్ట‌ర్‌లోనే ఇంత హాట్‌గా ఉన్న త‌మ‌న్నా.. పాట‌లో ఏ స్థాయిలో రెచ్చిపోయిందో తెలుసుకోవాలంటే సాయంత్రం వ‌ర‌కు వెయిట్ చేయాల్సిందే. ఏదేమైనా.. జైల‌వ‌కుశ‌కి త‌మ‌న్నాపాట ప్ర‌త్యేక ఆక‌ర్ష‌ణ అవుతుంద‌న‌డంలో ఎలాంటి సందేహం లేదిప్పుడు.