క్లాసిక‌ల్ డ్యాన్స్ నేర్చుకుంటున్న త‌మ‌న్నా...
- IndiaGlitz, [Monday,May 28 2018]
మిల్కీ బ్యూటీ త‌మ‌న్నా.. ఇప్పుడు క్లాసిక‌ల్ డ్యాన్స్ నేర్చుకుంటుంది. వివ‌రాల్లోకి వెళితే.. మెగాస్టార్ చిరంజీవి టైటిల్ పాత్ర‌లో న‌టిస్తున్న చిత్రం 'సైరా న‌ర‌సింహారెడ్డి'. స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవితాన్ని సినిమా రూపంలో తెర‌కెక్కిస్తున్నారు.
సురేంద‌ర్ రెడ్డి ద‌ర్శ‌కుడు. రామ్‌చ‌ర‌ణ్ నిర్మాత. ఈ సినిమాలో త‌మ‌న్నా ఓ కీల‌క పాత్ర‌లో న‌టిస్తుంది. ఈ పాత్ర కోసం త‌మ‌న్నా భ‌ర‌త‌నాట్యం నేర్చుకుంటుందని స‌మాచారం.
ఈ చిత్రంలో బాలీవుడ్ బిగ్ బి అమితాబ్ తో పాటు సుదీప్‌, జ‌గ‌ప‌తిబాబు, విజ‌య్ సేతుప‌తి త‌దిత‌రులు న‌టిస్తున్నారు. వ‌చ్చే ఏడాది ఈ సినిమా విడుద‌ల‌వుతుంది.