நடிகை தமன்னா கடந்த 18 ஆண்டுகளாக திரையுலகில் முன்னணி நடிகையாக இருந்து வருகிறார் என்பதும் குறிப்பாக தமிழ், தெலுங்கு மற்றும் பாலிவுட் திரையுலகில் அவரது படங்கள் சூப்பர் ஹிட் ஆகி வருகின்றன என்பதையும் பார்த்து வருகிறோம். தற்போது அவர் சூப்பர் ஸ்டார் ரஜினியுடன் ’ஜெயிலர்’ மற்றும் சுந்தர் சி இயக்கத்தில் உருவாகி வரும் ’அரண்மனை 4’ ஆகிய தமிழ் படங்களில் நடித்து வருகிறார். மேலும் ஒரு மலையாள படத்திலும் ஒரு இந்தி படத்திலும் நடித்து வருகிறார்.

இந்த நிலையில் நடிகை தமன்னா இந்தி வெப் தொடர் ஒன்றில் நடித்து வரும் நிலையில் இந்த தொடரின் டீசர் வீடியோ வெளியாகி உள்ளது. அமேசான் ப்ரைம் ஓடிடி தளத்தில் வெளியாக உள்ள இந்த தொடருக்கு ‘ஜி கர்தா’ என்ற டைட்டில் வைக்கப்பட்டுள்ளது. இந்த தொடரின் அறிமுக வீடியோ சற்றுமுன் வெளியாகி உள்ள நிலையில் அந்த வீடியோ வைரலாகி வருகிறது.

இந்த வீடியோவில் தமன்னா பிங்க் காஸ்ட்யூம் அணிந்து செம கிளாமரில் இருப்பதை பார்த்து ரசிகர்கள் ஆச்சரியமடைந்து ‘பிங்க் பியூட்டி’ போன்ற கமெண்ட்களை பதிவு செய்து வருகின்றனர்.

தமன்னா முக்கிய வேடத்தில் நடிக்கும் இந்த வெப் தொடரில் ஆசிம் குலாட்டி, சுஹைல் நாயர், அன்யா சிங், ஹுசைன் தலால் உள்பட பலர் நடித்து வருகின்றனர். அர்னிமா ஷர்மா என்பவரின் இயக்கத்தில் உருவாகி வரும் இந்த வெப் சீரிஸ் அமேசான் பிரைமில் ஜூன் 15 முதல் ஒளிபரப்பாக உள்ளது என்பது குறிப்பிடத்தக்கது.