சின்னத்திரை நடிகருக்கு ஜோடியாக நடிக்கும் தமன்னா.. வைரல் புகைப்படம்..!
- IndiaGlitz, [Wednesday,October 09 2024]
தென்னிந்திய திரையுலகின் முன்னணி நடிகையான தமன்னா, ஹிந்தியிலும் சில படங்கள் நடித்துக் கொண்டிருக்கிறார் என்பதும், அதுபோக வெப் தொடர்களில் நடித்து வருகிறார் என்பதும் தெரிந்தது. இந்த நிலையில், தமிழ் சின்னத்திரை நடிகருக்கு ஜோடியாக ஒரு படத்தில் நடிக்க இருப்பதாக கூறப்படும் நிலையில், இது குறித்த புகைப்படம் தற்போது இணையத்தில் வைரலாகி வருகிறது.
சன் டிவியில் ஒளிபரப்பான நந்தினி என்ற தொடர் மூலம் ரசிகர்களை கவர்ந்த நடிகர் ராகுல் ரவி, சாக்லேட் உள்ளிட்ட பல தொடர்களில் நடித்தார். கண்ணான கண்ணே என்ற தொடர் இவரது நடிப்பிற்கு சிறந்த எடுத்துக்காட்டாக இருந்த நிலையில், தற்போது அவர் மருமகள் என்ற தொடரில் நடித்து வருகிறார் என்பதும் குறிப்பிடத்தக்கது. கேப்ரில்லா நாயகியாக நடிக்கும் இந்த தொடரில் TRB எனில் முன்னணி இடத்தில் உள்ளது என்பதும் குறிப்பிடத்தக்கது.
இந்த நிலையில், நடிகை தமன்னாவுடன் இணைந்த எடுத்த புகைப்படத்தை ராகுல் ரவி தனது இன்ஸ்டாகிராம் பக்கத்தில் பதிவு செய்து எனது அடுத்த திரைப்படம் தமன்னாவுடன், என்னவாக இருக்கும் என்பதை யூகித்துக் கொள்ளுங்கள் என்று பதிவு செய்துள்ளார்.
இதனை அடுத்து, சின்னத்திரை போலவே வெள்ளித்திரையிலும் ராகுல் ரவி ஜொலிக்க வேண்டும் என்று ரசிகர்கள் அவருக்கு வாழ்த்து தெரிவித்து வருகின்றனர். ராகுல் ரவி மற்றும் தமன்னா நடிக்கும் திரைப்படம் குறித்த அறிவிப்பு விரைவில் வெளியிடப்படும் என்று எதிர்பார்க்கப்படுகிறது.