சித்தார்த் நடித்த ‘டக்கர்’ என்ற திரைப்படம் வரும் ஜூன் 9ஆம் தேதி திரையரங்குகளில் வெளியாக இருக்கும் நிலையில் இந்த படத்தின் டிரைலர் சற்றுமுன் வெளியாகி இணையதளங்களில் வைரலாகி வருகிறது.

சித்தார்த் ஜோடியாக திவ்யான்ஷா நடித்துள்ள இந்த படத்தில் முதல் முறையாக இரண்டு வேடத்தில் யோகி பாபு நடித்துள்ளார். மேலும் அபிமன்யு சிங், முனிஷ்காந்த், ஆர்ஜே விக்னேஷ் காந்த், உள்பட பலர் நடிப்பில் உருவாகிய இந்த படம் ஒரு அதிரடி ஆக்சன் படம் என்பது டிரைலரில் இருந்து தெரிய வருகிறது.பல வருடங்களாக சித்தார்த்தை ஒரு ரொமான்ஸ் நாயகனாகவே பார்த்து வந்த ரசிகர்களுக்கு அதிரடி ஆக்சன் படத்திற்கும் சித்தார்த் பொருந்துவார் என்பதை நிரூபிக்கும் வகையில் இந்த படம் உருவாக்கப்பட்டுள்ளது.

கார்த்திக் கிரிஷ் இயக்கத்தில் உருவான இந்த படத்திற்கு நிவாஸ் பிரசன்னா இசையமைத்துள்ளார். இந்த படம் சித்தார்த்துக்கு வெற்றி படமாக அமையுமா என்பதை பார்ப்போம். இந்த படத்தின் டிரைலர்கள் இடம்பெற்ற சில அதிரடி வசனங்கள் இதோ:

ஆசைதான் இந்த உலகத்தையே இயக்கிக் கொண்டிருக்கிறது, நம் ஆசை எதுவோ அதுதான் நம்ம லைஃபை தீர்மானிக்கின்றது, அந்த ஆசையை தீர்த்துக்க பணம் தான் எல்லோருக்கும் தேவை, அதை சம்பாதிக்க ஒவ்வொருத்தருக்கும் ஒவ்வொரு வழி இருக்கு, அந்த வழி ,எல்லோருக்கும் ஒண்ணாகும்போது..

காசு சம்பாதிப்பேன்னு சொல்லு, ஆனால் பணக்காரன் ஆகப்போறேன்னு சொன்னா லேசா பயமா இருக்குடா தம்பி

அதுக்கு வேணும்னா எங்க அப்பனே கல்யாணம் பண்ணிக்கோ, நல்லா காட்டுவான்...

நூடுல்ஸ் சாப்பிடுற உனக்கே இவ்வளவு இருந்தா, கொத்து புரோட்டா சாப்பிடுற எனக்கு எவ்வளவு இருக்கும்?