సైరాలో టబు
- IndiaGlitz, [Monday,August 27 2018]
మెగాస్టార్ 151వ చిత్రం 'సైరా న‌ర‌సింహారెడ్డి' ప్ర‌తిష్టాత్మ‌కంగా రూపొందుతుంది. పాలెగాడు ఉయ్యాల‌వాడ న‌ర‌సింహారెడ్డి బయోపిక్ ఆధారంగా ఈ సినిమా తెర‌కెక్కుతోంది. దాదాపు 200 కోట్ల భారీ బ‌డ్జెట్‌తో తెలుగు, త‌మిళం, హిందీ భాష‌ల్లో మెగాప‌వ‌ర్‌స్టార్ రామ్‌చ‌ర‌ణ్ ఈ సినిమాను కొణిదెల ప్రొడ‌క్ష‌న్స్ బ్యాన‌ర్‌పై నిర్మిస్తున్నారు.
ఈ సినిమాలో బాలీవుడ్ బిగ్ బి అమితాబ్‌, న‌య‌నతార, విజ‌య్ సేతుప‌తి, జ‌గ‌ప‌తిబాబు, కిచ్చాసుదీప్, నిహారిక కొణిదెల త‌దిత‌రులు న‌టించ‌నున్న ఈ సినిమాలో ఇప్పుడు టబు కూడా చేర‌నుంది. వివ‌రాల ప్ర‌కారం ప్ర‌థ‌మ స్వాంత‌త్ర్య స‌మ‌రానికి నాంది ప‌లికిన వీరుల్లో ఝాన్సీ ల‌క్ష్మీబాయ్ ఒక‌రు. ఆమె పాత్రలో టబు కొద్దిసేపు ఈ చిత్రంలో క‌న‌ప‌డ‌నున్నారు. చిరంజీవితో టబు న‌టించే రెండో చిత్ర‌మిదే అవుతుంది.