தமிழ் திரைப்பட தயாரிப்பாளர் சங்கத்தின் தேர்தல் தேதி சமீபத்தில் அறிவிக்கப்பட்டுள்ளது என்பது தெரிந்ததே. இந்த தேர்தல் வரும் நவம்பர் 22 ஆம் தேதி தேர்தல் நடைபெறும் என்றும் தேர்தலில் போட்டியிட விரும்புபவர்கள் அக்டோபர் 15-ஆம் தேதி முதல் விண்ணப்பங்களை பெற்றுக் கொள்ளலாம் என்றும் பூர்த்தி செய்யப்பட்ட விண்ணப்பங்கள் அக்டோபர் 23ஆம் தேதிக்குள் தாக்கல் செய்ய வேண்டும் என்றும் அன்று மாலையே வேட்பு மனுக்கள் பரிசீலனை செய்யப்படும் என்றும் அக்டோபர் 24ஆம் தேதி வேட்பு மனுவை வாபஸ் பெற கடைசி நாள் என்றும் அக்டோபர் 29ஆம் தேதி மாலை 6 மணிக்கு இந்த தேர்தலில் போட்டியிடும் வேட்பாளர்கள் குறித்த பட்டியல் வெளியாகும் என்றும் அறிவிக்கப்பட்டுள்ளது.

தயாரிப்பாளர் சங்க தேர்தலில் தலைவர் பதவிக்கு மீண்டும் விஷால் போட்டியிட வாய்ப்பு உள்ளதாகவும், பல வெற்றி படங்களை தயாரித்த முன்னணி தயாரிப்பாளர் ஒருவரும் போட்டியிட வாய்ப்பு இருப்பதாகவும் கூறப்படுகிறது.

இந்த நிலையில் தற்போது வெளிவந்துள்ள தகவலின்படி சென்னை, காஞ்சிபுரம் விநியோகிஸ்தர் செயற்குழு கூட்ட முடிவின்படி தயாரிப்பாளர் மற்றும் இயக்குனர் டி.ராஜேந்தர் மற்றும் மன்னன் ஆகிய இருவரும் தமிழ் திரைப்பட தயாரிப்பாளர் சங்க தேர்தலில் போட்டியிட உள்ளதாக தெரிகிறது.