కేర‌ళ‌కు సైరా
- IndiaGlitz, [Tuesday,April 16 2019]
మెగాస్టార్ చిరంజీవి 151వ చిత్రం 'సైరా న‌ర‌సింహారెడ్డి' షూటింగ్ జ‌రుగుతోంది. సినిమాలో కీల‌క పోరాట స‌న్నివేశాల కోసం మొత్తం యూనిట్ కేర‌ళ‌కు వెళ్లింది. ప్ర‌స్తుతం యాక్ష‌న్ సీక్వెన్స్‌ల‌ను కేర‌ళ అడ‌వుల్లో చిత్రీక‌రిస్తున్నారు.
కేర‌ళ అడ‌వుల్లో ప‌ది రోజులు చిత్రీక‌ర‌ణ త‌ర్వాత హైద‌రాబాద్ వ‌చ్చి మ‌రికొన్ని కీల‌క స‌న్నివేశాలు, ప్యాచ్ వ‌ర్క్‌ను పూర్తి చేస్తార‌ట. మే నెల‌లో పోస్ట్ ప్రొడ‌క్ష‌న్ కార్య‌క్ర‌మాల‌ను స్టార్ట్ చేసి సినిమాను ద‌స‌రా సంద‌ర్భంగా విడుద‌ల చేసేలా స‌న్నాహాలు చేసుకుంటున్నారు నిర్మాత రామ్‌చ‌ర‌ణ్‌. 200 కోట్ల రూపాయ‌ల బ‌డ్జెట్‌తో ఈ సినిమాను నిర్మిస్తున్నారు. సురేంద‌ర్ రెడ్డి ద‌ర్శ‌క‌త్వం వ‌హిస్తుండ‌గా.. అమిత్ త్రివేది సంగీతం అందిస్తున్నారు.
ఈ చిత్రంలో అమితాబ్ బ‌చ్చ‌న్‌, న‌య‌న‌తార, త‌మ‌న్నా, జ‌గ‌ప‌తిబాబు, సుదీప్‌, విజ‌య్ సేతుప‌తి త‌దిత‌రులు కీల‌క పాత్ర‌ల్లో న‌టించారు. స్వాతంత్ర్యం కోసం పోరాడిన తొలి స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత క‌థ‌ను ఆధారంగా చేసుకుని ఈ చిత్రాన్ని రూపొందిస్తున్నారు.