చిరంజీవి టైటిల్ పాత్రలో నటిస్తోన్న చిత్రం 'సైరా నరసింహారెడ్డి'. బ్రిటీష్ వారికి ఎదురు తిరిగిన తొలి స్వాతంత్య్ర యోధుడు ఉయ్యాలవాడ నరసింహా రెడ్డి జీవిత చరిత్ర ఆధారంగా ఈ సినిమా రూపొందుతోంది. సురేందర్ రెడ్డి దర్శకుడు. రాంచ‌ర‌ణ్‌ నిర్మాత.

అమితాబ్ బచ్చన్, విజయ్ సేతుపతి, నయనతార, త‌మన్నా, జగపతిబాబు, కిచ్చా సుదీప్ తది తరులు నటిస్తున్న ఈ సినిమా చిత్రీక‌ర‌ణ ద‌శ‌లో ఉంది. ఇటీవ‌ల ముంబైలో అండ‌ర్ వాట‌ర్ స‌న్నివేశాల‌ను చిత్రీక‌రించిన సంగ‌తి తెలిసిందే.

కాగా.. ఇప్పుడు రామోజీ ఫిలింసిటీలో ఓ విలేజ్ సెట్‌ను వేశార‌ట‌. ఈ సెట్‌లో కీల‌క స‌న్నివేశాల‌ను చిత్రీక‌రించ‌బోతున్నార‌ట‌. ఇందులో చిరంజీవితో పాటు అమితాబ్ బ‌చ్చ‌న్‌, న‌య‌నతార‌, జ‌గ‌ప‌తిబాబు, విజ‌య్ సేతుప‌తి పాల్గొన‌బోతున్నారు. రెండు వంద‌ల కోట్ల బ‌డ్జెట్‌లో తెర‌కెక్కిస్తున్నారు.