మెగాస్టార్ చిరంజీవి కెరియర్‌లోనే తొలిసారిగా ‘సైరా’ అనే చారిత్రక చిత్రంలో నటించిన సంగతి తెలిసిందే. ఈ సినిమా టైటిల్ మొదలుకుని ఇప్పటి వరకూ మెగాభిమానుల్లో సర్వత్రా ఆసక్తి నెలకొంది. సినిమా అక్టోబర్-02న ప్రపంచ వ్యాప్తంగా థియేటర్లలోకి రానుండటంతో.. ప్రి రిలీజ్ ఈవెంట్‌ను భారీ ఎత్తున నిర్వహించాలని దర్శకనిర్మాతలు భావిస్తున్నారు. అయితే మొదట కర్నూలు‌లో ఈవెంట్‌ నిర్వహించాలని భావించినప్పటికీ కొన్ని అనివార్య కారణాల వల్ల హైదరాబాదులోని ఎల్బీ స్టేడియం వేదికగా వేడుకలు జరగనున్నాయని చిత్రబృందం అధికారికంగా ప్రకటించింది.

ముఖ్య అతిథులెవరంటే..!

కాగా.. ఈ మెగా వేడుకకు ప్రత్యేక అతిథులుగా తెలంగాణ మంత్రి కేటీఆర్, జనసేన అధినేత పవన్ కల్యాణ్, దర్శధీరుడు రాజమౌళి, శివ కొరటాల, వీవీ వినాయక్ విచ్చేస్తారని చిత్ర యూనిట్ అధికారిక ప్రకటనలో స్పష్టం చేసింది. అయితే కేటీఆర్‌తో పాటు, పవన్ కూడా ఈ వేడుకకు విచ్చేస్తుండటంతో టీఆర్ఎస్ కార్యకర్తలు, అభిమానులు.. మెగాభిమానుల ఆనందానికి అవధులు ఉండవేమో మరి.