సైరా న‌ర‌సింహారెడ్డి అంద‌రి అంచ‌నాల‌ను మించేలా ప్రీ రిలీజ్ బిజినెస్ పూర్తి చేసుకుంద‌ని సినీ వ‌ర్గాల స‌మాచారం. ఇటీవ‌ల విడుద‌లైన `సాహో` ఎఫెక్ట్ `సైరా న‌ర‌సింహారెడ్డి`పై ప‌డుతుంద‌ని అంద‌రూ భావించారు. కానీ అలాంటిదేమీ లేద‌ని చిరంజీవి ప్రూవ్ చేశారు. ప్రీ రిలీజ్ బిజినెస్ ప‌రంగా రెండు తెలుగు రాష్ట్రాల్లో సైరా రూ.110కోట్ల ప్రీ రిలీజ్ బిజినెస్‌ను జ‌రుపుకుంద‌ని టాక్‌. నైజాం హ‌క్కుల‌ను యు.వి.క్రియేష‌న్స్ రూ.30కోట్ల‌కు చేజిక్కించుకుంటే సీడెడ్‌లో రూ.22కోట్ల‌కు, ఉత్త‌రాంధ్ర రూ.14.4 కోట్లు, తూర్పు గోదావ‌రి రూ.10.5కోట్లు, ప‌శ్శిమ గోదావ‌రి రూ.8.4కోట్లు, కృష్ణా రూ.8.4 కోట్లు, గుంటూరు రూ.11.5కోట్లు, నెల్లూరు రూ.4.8కోట్ల రూపాయ‌ల‌కు అమ్ముడ‌య్యాయ‌ని స‌మాచారం.

సెకండ్ ఇన్నింగ్స్‌ను స్టార్ట్ చేసిన చిరంజీవి మార్కెట్ ప‌రంగా త‌న రేంజ్ ఏంటో ప్రూవ్ చేసుకున్నారు. `ఖైదీ నంబ‌ర్ 150`తో విజ‌య‌ఢంకా మోగించిన ఆయ‌న ఇప్పుడు స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత‌గాధ‌ను ఆధారంగా చేసుకుని రూపొందుతోన్న `సైరా న‌ర‌సింహారెడ్డి`. సురేంద‌ర్‌రెడ్డి ద‌ర్శ‌క‌త్వంలో రామ్‌చ‌ర‌ణ్ దాదాపు మూడు వంద‌ల కోట్ల రూపాయ‌ల ఖ‌ర్చుతో భారీ టెక్నిక‌ల్‌వేల్యూస్‌తో ఈ సినిమాను నిర్మించారు. అమితాబ్‌బ‌చ్చ‌న్‌, విజ‌య్‌సేతుప‌తి, కిచ్చాసుదీప్‌, న‌య‌న‌తార‌, త‌మ‌న్నా, జ‌గ‌ప‌తిబాబు, ర‌వికిష‌న్ త‌దిత‌రులు ఈ చిత్రంలో కీల‌క పాత్ర‌ధారులుగా న‌టించారు. అక్టోబ‌ర్‌లో ఈ చిత్రాన్ని విడుద‌ల చేయ‌డానికి స‌న్నాహాలు చేస్తున్నారు.