మెగాస్టార్ చిరంజీవి క‌థానాయ‌కుడిగా మెగా ప‌వ‌ర్ స్టార్ రామ్ చ‌ర‌ణ్ ప్ర‌తిష్టాత్మ‌కంగా నిర్మిస్తున్న చిత్రం 'సైరా న‌రసింహా రెడ్డి'. సురేంద‌ర్ రెడ్డి ద‌ర్శ‌క‌త్వం వ‌హిస్తున్న ఈ సినిమా.. స్వాతంత్య్ర స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత చరిత్ర ఆధారంగా తెర‌కెక్కుతోంది.

తాజాగా ఈ సినిమాకు ఓ చిక్కొచ్చి ప‌డింది. అదేంటంటే.. శేరిలింగం ప‌ల్లి ప‌రిధిలో వేసిన రంగ‌స్థ‌లం సెట్‌లోనే సైరా న‌ర‌సింహారెడ్డి సినిమా చిత్రీక‌ర‌ణ‌ను జ‌రుపుకుంటుంది. అయితే ఇది ప్ర‌భుత్వ భూమి రెవెన్యూ అధికారుల నుండి అనుమతి తీసుకోవాలి.

కానీ చిత్ర యూనిట్ ఎటువంటి అనుమ‌తులు తీసుకోలేద‌ని.. ఎన్ని సార్లు నోటీసులు పంపినా.. లాభం లేకుండా పోయింద‌ని అందుకనే సెట్‌ను కూల్చేశామ‌ని రెవెన్యూ అధికారులు పెర్కొన్నారు. సెట్‌లో హీరో ఉండే ఇంటిని అధికారులు కూల్చేసిన‌ట్టు స‌మాచారం. దీనిపై చిత్ర బృందం ఏమీ స్పందించలేదు.