మెగా స్టార్ చిరంజీవి 151వ చిత్రం సైరా నర్సింహా రెడ్డి బాక్స్ ఆఫీస్ దగ్గర రికార్డులు బద్దలు కొట్టేందుకు రెడీ అయింది. ఈ క్రమంలోనే అక్టోబర్ 2న ప్రపంచ వ్యాప్తంగా విడుదల కానున్న సైరా సినిమా ఫస్ట్ రివ్యూ వచ్చేసింది. సురేందర్ రెడ్డి దర్శకత్వంలో తెరకెక్కిన ఈ చిత్రాన్ని రామ్ చరణ్ నిర్మించారు.

ఇప్పటికే టీజర్, ట్రైలర్, సాంగ్స్ ప్రేక్షకులను కట్టిపడేశాయి కూడా. అయితే తొలి స్వాతంత్య్ర సమరయోధుడు ఉయ్యాల వాడ నర్సింహా రెడ్డి జీవిత కథ ఆధారంగా రూపుదిద్దుకున్న ఈ సినిమా క్లాసికల్ హిట్ గా చరిత్రలో నిలిచిపోతుందని రివ్యూ ఇచ్చారు ఉమైర్ సంధు.

మేకింగ్, మెగాస్టార్ యాక్షన్, స్క్రీన్ ప్లే సూపర్ గా ఉందని ట్వీట్ చేసిన ఉమైర్... సైరా బాక్స్ ఆఫీస్ బ్లాక్ బస్టర్ గా నిలుస్తుందని సోషల్ మీడియాలో పోస్ట్ చేసాడు. ఇక బిగ్ బీ అమితాబ్ బచ్చన్, కిచ్చా సుదీప్ ల నటనను ప్రశంసించిన ఉమైర్... డైరెక్టర్, స్క్రీన్ ప్లే, సౌండ్ ట్రాక్ సినిమాకు ప్రధాన బలంగా ఉన్నాయన్నారు. సైరా సినిమాకు 4 రేటింగ్ ఇస్తున్నట్లు చెప్పాడు. దీంతో మెగా అభిమానులు ఖుషి అవుతున్నారు.

అయితే గతంలో సాహో సినిమాకు కూడా ఇలాంటి రివ్యూ నే ఇచ్చారు ఉమైర్. కానీ సినిమా రిలీజ్ అయ్యాక మాత్రం సాహోకు మిక్స్డ్ టాక్ వచ్చిన విషయం తెలిసిందే. మరి సై విషయంలో ఏమవుతుందో చూడాలి.