നവൽ എന്ന ജുവൽ റിലീസിന്
- IndiaGlitz, [Thursday,August 03 2017]
നവാഗതനായ രഞ്ജിലാൽ ദാമോദരൻ സംവിധാനം ചെയ്ത നവൽ എന്ന ജുവൽ 11ന് റിലീസ് ചെയ്യും. കേരളത്തിന്റെയും ഇറാന്റെയും സാംസ്‌കാരിക പശ്ചാത്തലങ്ങളിലാണ് ചിത്രത്തിന്റെ കഥ വികസിക്കുന്നത്. ശ്വേതാ മേനോനോടൊപ്പം ഹോളിവുഡ് ചിത്രങ്ങളിലൂടെ ശ്രദ്ധേയായ ഇറാഖി നടി റീം കാദിമിനും ബോളിവുഡ് നടൻ ആദിൽ ഹുസൈനും പ്രധാന കഥാപാത്രങ്ങളെ അവതരിപ്പിക്കുന്നു. കേരളത്തിലും ഒമാനിലുമായാണ് ചിത്രം പൂർത്തിയാക്കിയത്. അജിത് കുമാറും രഞ്ജിലാലും ചേർന്നാണ് തിരക്കഥ രചിച്ചിരിക്കുന്നത്. ഇൻഡസ് വാലി ഫിലിം ക്രിയേഷൻസാണ് നിർമ്മാണം. സുധീർ കരമന, അനു സിത്താര, അഞ്ജലി നായർ, പാരിസ് ലക്ഷ്മി, മണികണ്ഠൻ പട്ടാമ്പി, ചാലി പാല എന്നിവരാണ് മലയാളത്തിൽ നിന്നുള്ള മറ്റ് അഭിനേതാക്കൾ. റഫീഖ് അഹമ്മദിന്റെയും കാവ്യമയിയുടെയും വരികൾക്ക് എം. ജയചന്ദ്രൻ സംഗീതം നൽകുന്നു.