హాట్ భామ శ్వేతాబసు ప్రసాద్ కీలక పాత్ర పోషించిన చిత్రం '' మిక్చర్ పొట్లం ''. ఎంవి సతీష్ కుమార్ దర్శకత్వంలో గోదావరి సినీ టోన్ పతాకంపై కలపటపు శ్రీలక్ష్మీ ప్రసాద్ ,కంటే వీరన్న చౌదరి , లంకపల్లి శ్రీనివాసరావు లు సంయుక్తంగా నిర్మించారు . భానుచందర్ తనయుడు జయంత్ హీరోగా పరిచయం అవుతున్న ఈ చిత్రంలో గీతాంజలి హీరోయిన్ గా నటిస్తోంది కాగా భానుచందర్ , సుమన్ , కృష్ణభగవాన్ ,పోసాని , అలీ తదితర ప్రముఖులు నటించిన ఈ చిత్రానికి మాధవపెద్ది సురేష్ చాలాకాలం తర్వాత సంగీతం అందించడం విశేషం . లవ్ ఎంటర్ టైనర్ గా తెరకెక్కిన ఈ చిత్రంలో యాక్షన్ కి కూడా ప్రాధాన్యత ఉందని , శ్వేతాబసు ప్రసాద్ మా చిత్రానికి స్పెషల్ ఎట్రాక్షన్ గా నిలిచిందని తప్పకుండా మంచి హిట్ అవుతుందన్న నమ్మకం ఉందన్నారు చిత్ర దర్శకులు ఎంవి సతీష్ కుమార్ .

ఇక నిర్మాతలు కలపటపు శ్రీలక్ష్మీ ప్రసాద్ , కంటే వీరన్న చౌదరి , లంకపల్లి శ్రీనివాసరావు లు మాట్లాడుతూ '' ఎంవి సతీష్ కుమార్ చెప్పిన కథ నచ్చడంతో సినిమా రంగంలోకి వచ్చామని ,తొలిప్రయత్నంగా మిక్చర్ పొట్లం చేసాం ..... మాధవపెద్ది సురేష్ లాంటి గొప్పవ్యక్తి మా సినిమాకు సంగీతం అందించడం సంతోషంగా ఉందని, సెన్సార్ కార్యక్రమాలను పూర్తిచేసుకున్న మిక్చర్ పొట్లం చిత్రాన్ని మేనెలలో భారీ ఎత్తున రిలీజ్ చేయడానికి సన్నాహాలు చేస్తున్నామని తప్పకుండా మాకు ఇది మంచి ప్రారంభం అవుతుందన్న నమ్మకం ఉంది , ప్రముఖ నిర్మాత సురేష్ బాబు మా చిత్రాన్ని రెండు ఏరియాలలో రిలీజ్ చేస్తుండటంతో అప్పుడే మా సినిమా హిట్ రేంజ్ ని అందుకుందన్న నమ్మకం ఏర్పడిందని అన్నారు .