ఈ రోజు షో అంతా ఆసక్తికరంగా మారింది. నాగ్ కంటెస్టెంట్లకి తెలియని విషయాలన్నీ చెప్పించేశారు. వీడియో ప్లే చేసి మరీ ఇంగ్లీష్‌లో మాట్లాడుతున్నారంటూ అభి, హారికలను నిలబెట్టేశారు. అవినాష్ సైన్ లాంగ్వేజ్‌తో పాటు.. అఖిల్, మోనాల్, అభిల మధ్య జరుగుతున్న కొన్ని విషయాలను అందరికీ తెలిసేలా చేశారు. దొంగ దొంగ వచ్చాడే సాంగ్‌తో నాగ్ హౌస్‌లోకి ఎంట్రీ ఇచ్చారు. ఆ తరువాత క్రితం రోజు ఏం జరిగిందో చూశారు. దానిలో అఖిల్, మోనాల్‌ కాన్వర్సేషన్ ఒకవైపు.. అభి, హారికల కాన్వర్సేషన్ మరోవైపు చూపించారు. అభి, హారికలు అఖిల్ గురించి చర్చ మొదలు పెట్టారు. అఖిల్ చాలా యాటిట్యూడ్ చూపించాడనేది అభి కంప్లైంట్. అతను అలా అనుకుంటే తాను అసలు మాట్లాడకపోయేదాన్నని హారిక చెప్పింది. ఫార్చూన్ రిఫైండ్ ఆయిల్‌కి సంబంధించి బిగ్‌బాస్ ఓ టాస్క్ ఇచ్చారు. ఈ టాస్క్‌లో కుమార్‌ని బిగ్‌బాస్ విజేతగా ప్రకటించారు.

కుమార్ సాయి కెప్టెన్సీ కొట్టేశావని నాగ్ అంటే కుమార్ తెగ మురిసిపోయాడు. గంగవ్వ ఈ వారం వీక్ ఎందుకు అయ్యావని ప్రశ్నించారు. బాగా ఆడాలని సూచించారు. మోనాల్ తెలుగులో ఒక ర్యాప్ పాడి వినిపించింది. అక్కడున్న వాళ్లలో నిందితులెవరు? ఏం తప్పులు చేశారో చెప్పాలి. అరియానా.. అమ్మ రాజశేఖర్‌ను ఎంచుకుంది. కాయిన్స్‌ను కాపాడుకోకుండా ఎందుకంత మొద్దు నిద్ర పోయారని ప్రశ్నించింది. అమ్మ రాజశేఖర్ నిర్దోషి అని తీర్పిచ్చారు. సుజాత.. సొహైల్‌ని నిందితుడిని చేసి ప్రశ్నించింది. సొహైల్ నిర్దోషి అని తేల్చారు. మోనాల్ తెలుగులో మాట్లాడుతున్నందుకు అభినందించడమే కాదు.. వీళ్లకు తెలుగు మాట్లాడటం వచ్చినా.. ఇంగ్లీషులో మాట్లాడుతున్నారంటూ.. హారిక, అభిని వీడియో క్లిప్ వేసి చూపించి మరీ నాగ్ వాయించేశారు. షో అయిపోయేంత వరకూ నిలబడి ఉండాలని పనిష్మెంట్ ఇచ్చారు.

నెక్ట్స్ వచ్చిన అవినాష్‌ని సైన్ లాంగ్వేజ్‌లో రాస్తున్నావ్ ఏంటంటూ నాగ్ ఫుల్లు కామెడీ చేశారు. అది చూసి హగ్ కూడా చేసుకున్నావని అరియానాను పిలిచి అడిగారు. ఐ లవ్ యూ అని రాశావని అవినాష్‌‌ని ఆట పట్టించారు. యూ ఆర్ కూల్ అని నిజం చెప్పి ఫైనల్లీ అవినాష్‌ని నాగ్ కూల్ చేశారు. ఈ నేపథ్యంలో ఫన్ ఓ రేంజ్‌లో జెనరేట్ అయ్యింది. అఖిల్‌కి మోనాల్ ఐ లైక్ యూ అని చెప్పిన విషయాన్ని నాగ్ చెప్పించారు. అది అభి ది బెస్ట్ మూమెంట్ అని దివికి చెప్పడం.. దానిని కూడా నాగ్ బయట పెట్టించారు. అఖిల్ పడుకునే వరకూ మోనాల్ అతనితో ఉంటుందని.. అభి పడుకున్నాక అభితో మోనాల్ ఉంటుందని దివి చెప్పింది. దీంతో అఖిల్ మొహం వాడిపోయింది. ఒక రకంగా అఖిల్ షాక్ అయ్యాడు. ఇక ఎలిమినేషన్.. ఏడుగురు లైన్‌లో నిలబడి షూట్ చేసుకోవాలి. ఎవరికి గన్ షాట్ వస్తే.. వారు ఎలిమినేట్ అవుతారు. ఫైనల్లీ స్వాతి ఎలిమినేట్ అయ్యింది. నోయెల్ బాగా ఎమోషనల్ అయ్యాడు. ఫైనల్లీ స్వాతి హౌస్ నుంచి బయటకు వెళ్లిపోయింది.