கருணாநிதியை நேரில் சந்தித்த பாஜக ஆதரவு நடிகர்
- IndiaGlitz, [Tuesday,November 14 2017]
திமுக தலைவர் கருணாநிதி கடந்த சில மாதங்களாக உடல்நலம் இன்றி இருந்த நிலையில் தற்போது அவரது உடல்நிலை ஓரளவு தேறி வருகிறார். இந்த நிலையில் பிரதமர் மோடி உள்பட அரசியல் தலைவர்கள் கருணாநிதியின் இல்லம் சென்று அவரை மரியாதை நிமித்தமாக சந்தித்து வருகின்றனர்.
இந்த நிலையில் நகைச்சுவை நடிகரும் பாஜக பிரமுகருமான எஸ்.வி.சேகர் நேற்று கருணாநிதியை சந்தித்துள்ளார். இந்த சந்திப்பு குறித்து அவர் தனது சமூக வலைத்தளத்தில் கூறியபோது, 'நேற்று இரவு 8.45 க்கு கலைஞரை அவரது இல்லத்தில் சந்தித்தேன். அவரால் பேச இயலவில்லையானாலும் மலர்ந்த சிரிப்புடன் என்னைப்பார்த்தார். நீங்கள் விரைவில் குணமடைவீர்கள் என சொல்லி GET WELL SOON card ஐ கொடுத்தேன். கலைஞரின் மனோ தைரியம் Will power ஒவ்வொரு முதியவரிடம் இருக்க வேண்டிய குணம்' என்று பதிவு செய்திருந்தார்
அரசியலிலும் கொள்கையிலும் கருணாநிதியுடன் வேறுபட்ட கருத்துக்களை கொண்டவர்கள் கூட வயது, அனுபவம் மற்றும் மரியாதை நிமித்தம் காரணமாக அவரை சந்தித்து வருவது தமிழக அரசியல் நாகரீக பாதையை நோக்கி செல்வதையே காட்டுகிறது.