தளபதி விஜய் நடித்த 'மெர்சல்' திரைப்படம் இந்திய அளவில் டிரெண்ட் ஆகியுள்ள நிலையில் இந்த படம் குறித்து கருத்து தெரிவிக்காத அரசியல்வாதிகள், திரையுலக பிரபலங்களே இல்லை என்று கூறலாம். அந்த வகையில் இந்த படம் குறித்தும், விஜய் குறித்தும் நடிகரும், பாஜக பிரமுகருமான எஸ்.வி.சேகர் அளித்த பேட்டியில் இருந்து சில துளிகள்:

*எனக்கு தெரிந்து ரஜினி, கமலை தானி விஜய்யின் உள்கட்டமைப்பு பலமாக உள்ளது. அதற்கு காரணம் அவருடைய தந்தை எஸ்.ஏ.சந்திரசேகர்

* விஜய் மற்றும் அட்லியை கூப்பிட்டு கமல் பாராட்டியபோது பின்னணியில் அபூர்வ சகோதரர்கள் போஸ்டரை வைத்ததுதான் கமலின் அற்புதமான புத்திசாலித்தனம்

* மெர்சல் vs பாஜக என்று கூறுவதே தவறு. சினிமா விஷயத்தில் தலையிடும் அளவுக்கு பாஜகவில் நேரம் இல்லை

* நம்ம ஊருக்கு கோவில், சர்ச், மசூதி எதுவுமே வேண்டாம், நமக்கு தேவை ஏழைகளுக்கு உதவும் மருத்துவமனை என்று அந்த வசனம் இருந்திருந்தால் பிரச்சனையே இருந்திருக்காது

*அடுத்த சூப்பர் ஸ்டார் தகுதிக்கு நெருங்கிவிட்ட ஒரு நடிகருக்கு அவப்பெயரை உண்டாக்கிவிட்டார் அவரால் வாய்ப்பு பெற்ற இயக்குனர்

*சர்ச்சைக்குரிய காட்சிகளை நீக்க வேண்டும் என்று பாஜக சொல்லவில்லை. நீக்கிவிடுகிறோம் என்று தயாரிப்பாளர் தரப்பில்தான் கூறப்பட்டது.