நடிகையும் காங்கிரஸ் கட்சியின் செய்தி தொடர்பாளருமான குஷ்பு கடந்த சில நாட்களாக பாஜகவுக்கு ஆதரவாக கருத்துக்களை பதிவு செய்து வருவதாக குற்றச்சாட்டு இருந்து வருகிறது. சமீபத்தில் மத்திய அரசு அறிவித்த புதிய கல்விக் கொள்கைக்கு ஆதரவு தெரிவித்து குஷ்பு ஒரு டுவீட்டை பதிவு செய்ததும் மத்திய உள்துறை அமைச்சர் அமித்ஷா அவர்கள் கொரோனாவால் பாதிக்கப்பட்டு சிகிச்சை பெற்று வந்த நிலையில் அவர் விரைவில் குணமாக வேண்டுமென்று வாழ்த்து தெரிவித்ததும் பெரும் பரபரப்பை ஏற்படுத்தியது. இதனால் அவர் பாஜகவுக்கு தாவ இருப்பதாக கூறப்பட்டாலும் குஷ்பு இதனை கடுமையாக மறுத்து வருகிறார் என்பது குறிப்பிடத்தக்கது

இந்த நிலையில் நேற்று குஷ்புவின் கண்ணில் காயம் பட்டதை அடுத்து அவருக்கு சிறிய அளவில் அறுவை சிகிச்சை செய்யப்பட்டு தற்போது ஓய்வு எடுத்து வருகிறார். இது குறித்து டுவிட் ஒன்றையும் நேற்று குஷ்பு பதிவு செய்து இருந்தார் என்பதும் அவர் விரைவில் குணமாக வேண்டும் என்று ஏராளமான ரசிகர் வாழ்த்து தெரிவித்தனர் என்பதும் தெரிந்ததே

இந்த நிலையில் தற்போது பாஜக பிரமுகரும் நடிகருமான எஸ்வி சேகர் இது குறித்து கூறி தனது சமூக வலைதளத்தில் கூறியதாவது: அன்பான குஷ்பு அவர்களே! மிகவும் கவனமாக இருங்கள், விரைவில் குணமாக வாழ்த்துக்கள். கண்ணு படாம இருக்கணும், கண்ணுலையும் காயம் படாம இருக்கணும்’ என்று கூறியுள்ளார். எஸ்வி சேகரின் இந்த டுவிட்டுக்கு வழக்கம்போல் கமெண்ட்டுக்கள் குவிந்து வருகிறது
 

Dear Kushbu Be Careful, take care & getwell soon. கண்ணு படாம இருக்கணும், கண்ணுலையும் காயம் படாம இருக்கணும். ???? https://t.co/2dijREoGYH

— S.VE.SHEKHER???? (@SVESHEKHER) August 20, 2020